Čyhunačnika z Homiela pasadzili na 2 hady za videa z technikaj rasijskich akupantaŭ
21 lipienia sud Homielskaj vobłaści vynies rašeńnie pa spravie palitviaźnia Alaksandra Łučynoviča, jakoha abvinavačvajuć u ździajśnieńni złačynstva pa č. 1 art. 361-4 KK «Sadziejničańnie ekstremisckaj dziejnaści», paviedamlaje «Viasna».
Pra abvinavačanaha viadoma, što jamu 44 hady, da aryštu žyŭ u Homieli i pracavaŭ pravadnikom reziervu.
Alaksandra Łučynoviča zatrymali 31 sakavika 2022 na pracy — u Homielskim adździaleńni Biełaruskaj čyhunki. Padčas zatrymańnia ŭ mužčyny zabrali telefon, a kali jaho prahladzieli, skłali na jaho pratakoł pavodle art. 19.11 KaAP, pa jakim i asudzili da administracyjnaha aryštu.
Paśla «sutak» na volu Alaksandr nie vyjšaŭ — jaho pierazatrymali ŭžo ŭ miežach kryminalnaj spravy pavodle č. 1 art. 361-4 KK «Sadziejničańnie ekstremisckaj dziejnaści».
U vinu mužčynu staviać pieradaču telehram-kanału «Biełaruski hajun» videa rasijskaj vajskovaj techniki, jakaja prasoŭvałasia pa terytoryi Biełarusi. Viadoma, što tyja fotazdymki ŭ kanał Alaksandr dasłaŭ jašče tady, kali jon nie byŭ pryznany ekstremisckim.
15 krasavika Łučynoviča źmiaścili ŭ homielski SIZA-3 i pradjavili abvinavačvańnie.
Padčas sudovaha pasiadžeńnia pa kryminalnaj spravie Alaksandra Łučynoviča prakurorka zapytała dla jaho 2 hady kałonii ahulnaha režymu. Alaksandr svajoj viny nie pryznaŭ, ale supracoŭničaŭ sa śledstvam i raspavioŭ, što sapraŭdy zapisaŭ na videa kałonu rasijskaj vajskovaj techniki i dasłaŭ jaho ŭ bot «Biełaruskaha hajuna».
21 lipienia sud Homielskaj vobłaści pryznaŭ Alaksandra Łučynoviča vinavatym u ździajśnieńni złačynstva pa č. 1 art. 361-4 KK «Sadziejničańnie ekstremisckaj dziejnaści» i prysudziŭ jamu 2 hady kałonii ahulnaha režymu.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma9
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary