U Varšavie arhanizujuć biełaruskuju škołu: zaprašajuć dziaciej i nastaŭnikaŭ
Inicyjatyva «Biełaruskaja škoła ŭ Varšavie», u jakuju ŭvachodziać pradstaŭniki likvidavanaha ŭ Biełarusi «Tavarystva biełaruskaj škoły», nabiraje dziaciej i vykładčykaŭ u 5—11 kłasy. Płanujecca anłajn-navučańnie i niekatoryja mierapryjemstvy afłajn.
Biełaruskaja škoła ŭ Varšavie prapanuje dadatkovyja zaniatki-kansultacyi (3 dni pa 2 uroki) da polskaj školnaj prahramy: biełaruskaja i ruskaja mova i litaratura, historyja i kultura Biełarusi. Meta — kab dzicia, što navučajecca za miažoj, nie adstavała ad prahramy biełaruskaj škoły i mahło, eksternam zdaŭšy ispyty, atrymać biełaruski atestat. Škoła budzie taksama vydavać ułasnyja paśviedčańni, viedamaści z adznakami. Płanujecca, što ŭ kłasach budzie pa 10—15 čałaviek, piša budzma.org
Aŭtar prajekta, staršynia likvidavanaj u 2021 hodzie hramadskaj arhanizacyi «Tavarystva biełaruskaj škoły» Aleś Łozka paviedamiŭ: «Buduć vykładać dobryja nastaŭniki. Z častkaj užo jość damoŭlenaści, a častku jašče šukajem. Płanujem zaprasić navukoŭcaŭ, jakija ŭžo majuć vopyt pracy ź dziećmi ŭ Biełaruskim humanitarnym licei imia Jakuba Kołasa. Asabliva patrebnyja fiłołahi, śpiecyjalisty pa biełaruskaj i ruskaj movach. Taksama historyki, vykładčyki suśvietnaj mastackaj kultury. Hieohrafy ŭžo jość u kamandzie. Raźličvajem u pieršuju čarhu na nastaŭnikaŭ, jakija źjechali ź Biełarusi, ale chočuć zastacca ŭ prafiesii. U asnoŭnym navučańnie budzie prachodzić anłajn. Ale jak ža biez afłajn-sustreč? Niekalki razoŭ na hod treba pabačycca…»
Aleś Jurjevič prainfarmavaŭ taksama, što ŭ škołu zapisvajucca i dzieci, jakija vučacca ŭ Biełarusi, ale chočuć pahłybić svaje viedy.
Prajekt užo padtrymali Biełaruski moładzievy chab u Varšavie, Kłub katalickaj intelihiencyi i Muziej volnaj Biełarusi. Niekatoryja mierapryjemstvy Škoły, nakštałt uračystaha adkryćcia navučalnaha hoda, mahčyma, buduć adbyvacca ŭ ich pamiaškańniach.
Baćkoŭ patencyjnaha vučnia prosiać zapoŭnić ankietu, vyvučajučy takim čynam popyt na adukacyjnyja pasłuhi. Patencyjnym piedahoham taksama prapanujuć zapoŭnić ankietu. Dadatkovuju infarmacyju možna atrymać praź je-mejł [email protected].
-
Uzbrojenyja siły Biełarusi pryviedzienyja ŭ vyšejšuju stupień bojehatoŭnaści
-
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy4
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Nie treba pryvozić svaje kałanijalnyja kompleksy z saboj.