Uładalnicu karelickaha «kancłahiera dla sabak» aštrafavali na 480 rubloŭ
U Kareličach adbyŭsia sud nad adnoj z uładalnic sabačaha hadavalnika ŭ Karelickim rajonie, jaki praz žachlivyja ŭmovy, stvoranyja dla žyvioł, stali nazyvać kancłahieram, piša Newgrodno.by. Žančynu aštrafavali na 480 rubloŭ, a bolš jak sto sabak addali vałancioram, kab tyja znajšli im novych haspadaroŭ.
Pa jakim mienavita artykule asudzili ŭładalnicu, nie paviedamlajecca. U biełaruskim Kryminalnym kodeksie jość admysłovy artykuł «Žorstkaje abychodžańnie z žyviołami», jaki praduhledžvaje pakarańni ad štrafu da pazbaŭleńnia voli na termin da troch hadoŭ, ale jość i taki ž administracyjny artykuł, jaki praduhledžvaje štraf ad 480 da 960 rubloŭ abo administracyjny aryšt. Padobna na toje, što joj dali minimalnaje pakarańnie pa administracyjnym artykule.
Sprava jašče nie zavieršanaja: na pačatku žniŭnia maje adbycca jašče adno pasiadžeńnie, dzie budzie vyznačany los jašče bolš jak 20 sabak z hadavalnika.
Hadavalnik pracavaŭ z 2006 hoda, a pra ŭmovy, u jakich znachodzilisia žyvioły, doŭha ničoha nie było viadoma. Ale na pačatku lutaha vałanciory vyśvietlili, što žyvioły ŭtrymlivajucca ŭ zusim nieprydatnych umovach i zabili tryvohu.
Padstavaj dla taho, kab zaniepakoicca, stała pakupka adnoj dziaŭčynaj sabaki z hetaha hadavalnika, jaki znachodziŭsia ŭ žachlivym stanie. Jana apublikavała pra heta infarmacyju ŭ sacsietkach, i paśla taho chvala stała narastać, śviedčańniaŭ rabiłasia ŭsio bolš.
Na videa, jakija publikavalisia ŭ sacsietkach, było bačna, što sabaki žyli ŭ chlavach i viaskovych chatach, kletki stajali adna na druhoj, a łabradoraŭ trymali prosta na vulicy na karotkim łancuhu.
Miascovyja žychary raskazali, što znachodzicca pobač z hetym miescam było i strašna, i baluča. Sabaki pastajanna brachali, mnohija byli ahresiŭnyja, viečna hałodnyja, bo ŭładalnica hadavalnika časta źjazdžała.
Paśla taho, jak infarmacyja pra hadavalnik stała zdabytkam publičnaści, pytańniem zanialisia supracoŭniki milicyi i prakuratury. Z hadavalnika vyvieźli 114 žyvioł.
Čytajcie taksama:
Centr pieratrymki sabak u Smalavickim rajonie na spravie akazaŭsia kancłahieram. Achviarami stali dziasiatki žyviolin
U Karelickim rajonie sabak hadavali na prodaž u kancłahiernych umovach
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary