Ziankovič staŭ supracoŭničać sa śledstvam adrazu paśla zatrymańnia
Z materyjałaŭ spravy vynikaje, što chadajnictva na imia namieśnika hienieralnaha prakurora Ziankovič napisaŭ na samych pieršych etapach śledstva. Na pracesie pa spravie «padrychtoŭki dziaržpieravarotu» była abjaŭlenaja infarmacyja, što Juraś Ziankovič byŭ zatrymany 11 krasavika 2021 hoda, a zatym napisaŭ chadajnictva ab zaklučeńni pahadnieńnia sa śledstvam, dzie daŭ čystasardečnaje pryznańnie, zajaviŭšy, što abaviazvajecca dapamahać u rasśledavańni i vykryć usich udzielnikaŭ złačynstva, piša «Viasna».
Jak vynikaje z materyjałaŭ kryminalnaj spravy, jakija siońnia začytaŭ prakuror u sudzie, na stadyi papiaredniaha rasśledavańnia Ziankovič pryznaŭ svaju vinu ŭ poŭnym abjomie.
Jak siońnia było abvieščana ŭ sudzie, 6 kastryčnika 2021 hoda ad abvinavačanaha Ziankoviča pastupiła chadajnictva ab zaklučeńni pahadnieńnia sa śledstvam, u jakim jon pakazaŭ, što ŭ metach akazańnia sadziejničańnia hatovy supracoŭničać sa śledstvam usimi dastupnymi jamu sposabami, a taksama paviedamlać usie viadomyja im źviestki ab złačynstvie. U chodzie sudovych pasiadžeńniaŭ pa spravie ab sprobie dziaržaŭnaha pieravarotu jon pakazańniaŭ jašče nie davaŭ i nie vykazaŭ svajho staŭleńnia da abvinavačvańnia.
Ziankovič — adziny ź piaci abvinavačanych pa hetaj spravie, chto zaklučyŭ ździełku sa śledstvam. Jašče na etapie papiaredniaha śledstva jon prasiŭ źmianić jamu mieru strymańnia i adpuścić ź SIZA, ale jamu było admoŭlena.
U adpaviednaści ź biełaruskimi zakonami, Ziankoviču z ulikam supracoŭnictva sa śledstvam nie moža być pryznačanaje pakarańnie bolšaje, čym pałova maksimalnaha.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary