Stryminhavy servis Apple TV+ apošnim časam bałuje šykoŭnymi sieryjałami — zhadajem chacia b «Raździaleńnie» i «Zichatlivych». Ale ž kampanija dahetul zdolnaja nas ździvić i stvaryć niešta ŭnikalnaje — takoje, jak sieryjał, pra jaki vam raskažam.
«Čornaja ptuška» — heta zachaplalnaja złaviesnaja turemnaja drama z dobrym scenaryjem. Novy pradukt ad Apple TV+ abjadnoŭvaje elemienty ź sieryjałaŭ «Ucioki z turmy», «Palaŭničy na rozum», «Myš» i «Hanibał» u mahičnuju sumieś, ad jakoj niemahčyma adarvacca, piša thereviewgeek.com.
Hałoŭny hieroj — dziorzki i ŭpeŭnieny ŭ sabie Džymi Kin. Palicyja łović jaho za handal narkotykami, a sudovaja sistema adsyłaje na 10 hadoŭ u turmu niastrohaha režymu. Padobna na toje, što chłopiec dobra spraŭlajecca z hetym vyprabavańniem i znachodzić kantakt ź ludźmi navokał siabie, bandy jaho nie kranajuć, a FBR jašče i prapanuje vyhadnuju ździełku. Treba tolki pieravieścisia ŭ turmu strohaha režymu, pasiabravać ź mierkavanym sieryjnym zabojcam i atrymać ad jaho pryznańnie — i tady Kina vypuściać na volu. Što moža pajści nie tak?
Złačyniec, pra jakoha idzie havorka, — heta nie nadta pryjemny čałaviek, jakoha zavuć Łary Choł. Jaho hraje Poł Uołtar Chaŭzier. Teran Edžertan hraje Džymi Kina.
Akramia padziej vakoł Kina i Choła, jość u «Čornaj ptušcy» jašče adna siužetnaja linija. U jaje centry dvoje śledčych, Brajan i Łoren, jakija sprabujuć vyśvietlić praŭdu. Ci sapraŭdy Choł ździejśniŭ tyja zabojstvy? Ci płanuje jon niešta jašče? Moža, jon prosta nievinavaty zdaraviak, jakoha nie razumiejuć, ci za jaho vyhladam chavajecca sapraŭdnaje zło?
Adkazy na hetyja pytańni šukajuć nie tolki piersanažy, ale i hledačy sieryjała.
Asoba Łary Choła — heta jašče adna tajamnica «Čornaj ptuški», i raskryvacca jana budzie na praciahu ŭsiaho pieršaha siezona.
Rasśledavańnie FBR — cikavaja častka siužeta, ale časam jano adčuvajecca pieradyškaj ad napružanych turemnych padziej.
Padziei ŭ hetym mini-sieryjale razhortvajucca na praciahu 6 sieryj.
Mahčyma, vy prahledzicie ich za adzin raz abo raściahniecie na paru dzion. U lubym vypadku, «Čornaja ptuška» — vydatnaja kryminalnaja drama i kruta zrobleny mini-sieryjał, jaki vyłučajecca navat u šerahu jakasnych stužak, na jakija tak bahaty 2022 hod.
Rejtynhi na vialikich suśvietnych resursach:
IMDB — 8,4/10,
Rotten Tomatoes — 98%.
«Čałaviek suprać pčały» — Roŭen Atkinsan sprabuje pakaryć Netflix, i vychodzić nasamreč śmiešna
Što pahladzieć. «Usio paŭsiul i adrazu» — talenavitaja i viasiołaja fantastyka
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha17
Kamientary
Ja razumieju jašče kali heta niejkaja dakumientalistyka dobraja, ci adukacyjnaj videa.