Kino

Što pahladzieć. «Zichatlivyja» — zachaplalny tryler ź biezdakornaj Elizabiet Mos

Navat kali vam užo nadakučyli sieryjalnyja zabojstvy ci historyi ź pieraśledam žančyn, navat u hetym vypadku źviarnicie ŭvahu na novy sieryjał «Zichatlivyja» (Shining Girls) ad Apple+ TV — ideja prajekta moža padacca niepryvabnaj, ale ad sieryjała nasamreč niemahčyma adarvacca. Na siońnia dastupnyja 3 sieryi prajekta z 8.

Kadr ź sieryjała. Krynica: kino-teatr.ru

Šeść hadoŭ tamu amierykanka Kirbi Mazračy (Elizabiet Mos) ledź nie pamierła padčas napadu nieviadomaha, jakoha tak i nie złavili. Z tych časoŭ realnaść vakoł Kirbi pastajanna źmianiajecca. Časam heta maleńkija źmieny, naprykład, jaje koška pieratvarajecca ŭ sabaku, a na pracy akazvajecca, što Kirbi zajmaje inšy stoł. A byvaje, što źmieny istotnyja: naprykład, niastrymanaja maci dziaŭčyny pieratvarajecca ŭ nabožnuju chryścijanku, a sama Kirbi raptoŭna akazvajecca zamužam, piša Guardian.

Ale ž u historyi, zasnavanaj na biestsielery piśmieńnicy Łoran Bjuks, jość i svaje stałyja elemienty. Adzin ź ich — toje, što Kirbi va ŭsich realnaściach pracuje archivistkaj čykahskaj haziety Sun Times, na dvary zaŭsiody 1992 hod, a hazieta Kirbi — samaja blizkaja dla jaje mahčymaść pieratvarycca ŭ žurnalista, pra što jana maryła da napadu.

Adnojčy ŭ haradskoj kanalizacyi znachodziać cieła žančyny z traŭmami, padobnymi da tych, što atrymała padčas napadu sama Kirbi. Razam z reparcioram Denam jana sprabuje znajści zabojcu, bo ličyć — navat kali pamiž dvuma napadami dziesiacihodździ, vielmi padobna, što i ŭ jaje vypadku, i ŭ vypadku novaj achviary razmova idzie pra adnaho i taho ž zabojcu.

Hladač značna apiaredžvaje ich u pošukach, bo jon maje mahčymaść bačyć tajamničaha złačyncu za pracaj. Zavuć jaho Charpier, i na našych vačach jon vybiraje nastupnuju achviaru.

Elizabiet Mos, jakaja hraje rolu Kirbi Mazračy, vy mahli bačyć u znakamitym sieryjale «Apovied słužanki». Siońniašniaja Mos, jak zaŭsiody, hraje emacyjna i ŭvažliva da źmienaŭ u nastroi ci pakutach svajho piersanaža. Jana niepachisnaja i niesientymientalnaja ŭ kožnaj roli, za jakuju biarecca, i nielha było spadziavacca na lepšuju hałoŭnuju zorku ŭ «Zichatlivych» — prajekcie, jaki biez Mos moh by pieratvarycca ŭ prymityŭny.

Kali spałučyć vydatnuju ihru Mos z uvahaj da detalaŭ, trochi pavolny temp apoviedu i toje, što hledačy mocna apiaredžvajuć padčas apoviedu hałoŭnych hierojaŭ, bačna, što «Zichatlivyja» bolš padobny da partreta piersanažaŭ, čym da trylera.

I bačna, što apovied Kirbi pra śviet, jaki pastajanna źmianiajecca navokał jaje — heta vynik hłybokaj traŭmy. Kožny, chto padviarhajecca takomu napadu, sutykajecca z realnaściu žyćcia, raptoŭna napoŭnienaha nieviadomymi, z tym, jak znajomyja ludzi robiacca nieznajomymi, jak vartyja davieru pieratvarajucca ŭ tych, z kim nie chočacca sutykacca.

Vy robicie dva kroki da novaj narmalnaści i adzin krok nazad, i vaša rečaisnaść pastajanna źmianiajecca. Heta adna z bazavych iścin «Zichatlivych», i stužka nidzie nie adstupaje ad jaje i ad svajoj cełasnaści, navat kali kolkaść achviaraŭ-žančyn raście.

«Našu Nivu» finansujuć jaje čytačy — padtrymać prosta

Čytajcie taksama:

Što pahladzieć. «Raździaleńnie» — hipnatyzujučy ofisny tryler z vysokimi rejtynhami i zachoplenymi vodhukami

Što pahladzieć. «Kulhavyja koni» — niezvyčajny brytanski sieryjał pra špijonaŭ-niaŭdačnikaŭ

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie8

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie

Usie naviny →
Usie naviny

Ratujučysia ad ałkaholu, paet Krutkin pabyvaŭ u dziŭnym rechabie — malitvy, padjom siarod nočy i zabarona na razmovy z rodnymi14

Šou ci dypłamatyja? Čamu kiraŭnik Ałbanii rehularna stanovicca na kalena pierad premjeram Italii Miełoni?3

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści28

Pad Ščučynam 77-hadovaja babula stała mamaj dla buślaniat paśla ŭrahanu

Nieabchodnyja hrošy dla 21-hadovaha palitviaźnia Kiryła Bałachonava amal sabranyja. Zastałosia zusim krychu1

Uładalnik «najmacniejšaj aŭry». Jak taniec na łodcy staŭ internet-siensacyjaj i hałoŭnym tancam leta

Śpiecsłužby pad vyhladam ukraincaŭ źbirajuć źviestki ź miažy i zaklikajuć u «kamandu Siarhieja Cichanoŭskaha»5

U Kleckim rajonie razvaliŭsia staradaŭni viatrak, jaki znachodziŭsia pad achovaj dziaržavy9

Kapitan jachty, što ŭpaŭ za bort na Minskim mory, zahinuŭ2

bolš čytanych navin
bolš łajkanych navin

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie8

SBU zabiła kileraŭ, jakija zastrelili pałkoŭnika Słužby biaśpieki ŭ Kijevie

Hałoŭnaje
Usie naviny →

Zaŭvaha:

 

 

 

 

Zakryć Paviedamić