Litaralna za tydzień u Pinski HAUS pastupiła piać zajaŭ ab machlarstvie ź niekalkich haradoŭ Bresckaj vobłaści. Va ŭsich epizodach fihuravała meblevaja internet-krama mebel.store.by, akaŭnt jakoj byŭ raźmieščany ŭ instahramie, piša «Viečiernij Briest».
Krama mebel.store.by prapanuje premijalnuju chatniuju i sadovuju meblu pa cenach ź vielizarnaj źnižkaj, a taksama biaspłatnuju dastaŭku. Na hetyja sałodkija prapanovy mnohija i klujuć.
Tak u Pinsku 22-hadovaja dziaŭčyna, jakaja pracuje buchhałtaram, zachacieła kupić dziciačyja areli «Fantazija». Jana znajšła ŭ instahramie akaŭnt kramy. U jaho było mnostva padpisčykaŭ i vydatnyja vodhuki zadavolenych klijentaŭ. Vietlivy mieniedžar vyčarpalna adkazaŭ patencyjnaj pakupnicy na ŭsie pytańni pra tavar i raskazaŭ pra roznyja sposaby apłaty, zrabiŭšy pry hetym vyhadnuju prapanovu. Kali hrošy pieravodzilisia adnym płaciažom ź pieradapłataj, to klijentu abiacali značnuju źnižku i biaspłatnuju dastaŭku.
U vyniku dziaŭčyna ŭniesła 474 rubli ŭ jakaści pieradapłaty, adnak zamoŭlenuju meblu tak i nie atrymała.
Padobnyja historyi raskazali i inšyja paciarpiełyja. Ahulnaja suma škody ad dziejańniaŭ «kramy» ŭžo składaje bolš za 2000 rubloŭ.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary