«Składanaja apieracyja na sercy, ledź vyžyŭ»: stała viadoma, čamu źmianili kiraŭnika spravami Łukašenki
Učora stała viadoma, što z pasady paśla chadatajnictva ab pieravodzie na inšuju rabotu źniaty Valeryj Ivanoŭ — pryznačany tolki ŭ lipieni 2021-ha pierajemnik Šejmana ŭ Kiraŭnictvie spravami Łukašenki. Čamu topavy čynoŭnik tak mała času pravioŭ na pasadzie?
Rupar Alaksandra Łukašenki, telehram-kanał «Puł piervoho», paviedamiŭ, što Ivanovu znojdziecca novaje miesca raboty «paśla palapšeńnia stanu zdaroŭja».
Što adbyłosia z čynoŭnikam, jaki, jak kažuć, uzorna paśpiachova pracavaŭ?
Jak stała viadoma «Našaj Nivie», sychod Ivanova z pasady vyklikany prablemami z sercam — dva miesiacy tamu jon pieranios ciažkuju apieracyju.
«Zajmaŭsia sportam, i prychapiła serca», — kažuć nam znajomyja ź situacyjaj.
«Kali abśledavali — akazałasia, što sasudy ŭ kiepskim stanie, kroŭ ledź chodzić. Nu i da chirurha na stoł jaho. Najciažejšaja apieracyja była, pierasadžvali sasudy — brali z nahi i transpłantavali ŭ vobłaść serca. Vialiki šaniec byŭ, jak kažuć, i nie vyžyć. A jon uziaŭ i praz tydzień paśla apieracyi ŭžo padskočyŭ i pajšoŭ na rabotu. Paśpiašyŭ — nie ŭdałosia adnavicca. A čynoŭniki jaho ŭzroŭniu na rabocie, faktyčna, da zmory — i śpiš tam, i žyvieš tam, vysokaja nahruzka. Heta łahična, što jon takoha rytmu ŭžo vytrymać nie moža — treba za zdaroŭjem sačyć», — skazali nam.
Ivanoŭ maje reputacyju mocnaha mieniedžara. Palityčna jon zastajecca viernym Łukašenku.
Dapoŭnić temu ci paviedamić navinu možna naŭprost źviazaŭšysia z aŭtaram praz telehram @artsiom_harbatsevich ci napisaŭšy na mejł [email protected]
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary