Anulavali paśviedčańnie ab dziaržrehistracyi «Haziety Słonimskaj»
23 žniŭnia Ministerstva infarmacyi paviedamiła redakcyi «Haziety Słonimskaj» ab anulavańni paśviedčańniaŭ ab dziaržaŭnaj rehistracyi drukavanych srodkaŭ masavaj infarmacyi — hramadska-palityčnaha vydańnia «Hazieta Słonimskaja» i rekłamnaj haziety «Otdušina», paviedamlaje BAŽ.
Svajo rašeńnie Mininfarm abhruntavaŭ tym, što vypusk hetych vydańniaŭ nie ažyćciaŭlajecca na praciahu šaści miesiacaŭ zapar (padpunkt 2.10 punkta 2 artykuła 16 Zakona Respubliki Biełaruś ad 17 lipienia 2008 hoda №427-3 «Ab srodkach masavaj infarmacyi»).
Abhruntavańnie cyničnaje, bo ŭłady pierad tym sami zabłakavali dla vydańnia mahčymaść drukavacca na papiery.
«Ni hrodzienskaja, ni bresckaja, ni pinskaja drukarni nie ŭziali ŭ druk «Hazietu Słonimskuju» i hazietu «Otdušina», spasyłajučysia na vysokuju stupień zahružanaści i ščylny hrafik druku», — tłumačać situacyju, jakaja skłałasia, u redakcyi.
«Hazieta Słonimskaja» drukavałasia z 2011 hoda ŭ hrodzienskaj drukarni, likvidavanaj u 2021 hodzie. Drukavanaja viersija «Haziety Słonimskaj» i haziety «Otdušina» nie vychodziać z 9 listapada 2020 hoda. Usie siły redakcyja haziety ciapier zasiarodziła na pracy sajta.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary