Raspaviadajem, jak siłaviki znachodziać stvaralnikaŭ stykieraŭ u Telegram
Niadaŭna zatrymali ilustratara Vadzima Bahryja — byccam by za stvareńnie pratesnych stykieraŭ. My vyrašyli daviedacca, jak znajści aŭtara stykieraŭ, i pryjšli da niesuciašalnych vysnovaŭ.
Siłaviki robiać heta praz bot «Voka Boha» ci jahonyja anałahi. Dla taho, kab znajści aŭtara luboha stykierpaka, im treba prosta skinuć im stykier ź jaho — i jany atrymajuć vynik.
Da prykładu, niadaŭna pryznali ekstremisckimi stykiery «Saša 3%». Paśla hetaha Siarhiej Biaspałaŭ napisaŭ u svaim kanale, što aŭtaram ich byŭ Ihar Łosik.
Takuju ž infarmacyju vydaje admysłovy bot dla pošuku: akaŭnt belamovaa kaliści naležaŭ Iharu Łosiku.
Jak heta pracuje? U adkrytym API Telegram jość mietad messages.getStickerSet, jaki dazvalaje atrymać ź juzierniejma stykierpaka jahony ID. Dalej treba zrabić zrušeńnie na 32 bita i takim čynam možna atrymać ID karystalnika. Jość navat realizacyja takoha bota na Github i biaspłatny bot, jaki moža toje samaje, što i płatnaje «Voka Boha», ale nie tak zručna.
To-bok, faktyčna, u kožny stykierpak «zašyty» ID jahonaha stvaralnika.
Adziny varyjant, jak možna ad hetaha častkova abaranicca, — vydalić akaŭnt, jaki stvaryŭ stykierpak. Ale heta moža nie dapamahčy, kali vaš akaŭnt stary ci ŭžo viadomy siłavikam.
«Naša Niva» — bastyjon biełaruščyny
PADTRYMAĆČytajcie jašče:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Miesiendžary: jakija ź ich sapraŭdy biaśpiečnyja i čym Viber lepšy za Telegram
Mnohija VPN źbirajuć danyja i mohuć pieradać ich siłavikam. Raskazvajem, jak ad hetaha abaranicca
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary