Prapahandysty, jakija raniej zaklikali da raspravaŭ z palityčnymi praciŭnikami, pačali abhruntoŭvać novy palityčny pavarot.
Palityčnaja amnistyja napiaredadni 17 vieraśnia, zdajecca, sapraŭdy budzie.
Prynamsi stała viadoma, što vyzvaleńnie atrymajuć bolš za 8000 čałaviek — tyja, chto z punktu hledžańnia ŭładaŭ, «realna hetaha zasłuhoŭvaje». «Bandyty i ekstremisty», sa słoŭ Alaksandra Łukašenki, — nie z hetaj sieryi».
Alaksandr Łukašenka na naradzie z nahody amnistyi navat havaryŭ pra «pierahiby» i «zakłapočanaść mnohich hramadzian», pra toje, što zakliki «ŭsich mačyć, sadžać i hetak dalej» adzinstva ŭ hramadstvie nikoli nie dadavali.
Prapahandyst Ryhor Azaronak, viadomy svaimi zaklikami zabivać pratestoŭcaŭ, adhuknuŭsia na novy pavarot dziaržaŭnaj rytoryki.
«Najmahutniejšy ŭdar pa zmaharstvie», — sfarmulavaŭ jon z chodu i patłumačyŭ.
«Pakul usie hetyja ludzi siadziać — heta palityčny kapitał źbiehłych. Jany vałakucca pa ŭsiakich kabinietach paskudnych jeŭračałaviečyškaŭ sa śpisami «viaźniaŭ» i klančać babki. A tut im usim voś taki asimietryčny adkaz u samuju dupu», — napisaŭ prapahandyst.
«A ŭ dadatak — mahčymaje pazbaŭleńnie hramadzianstva abo zabarona na ŭjezd. Heta rečy nie simvaličnyja. Z anulavanym pašpartam žyć zmaharu budzie ciažka <>. I ŭsio heta ŭ toj momant, kali Jeŭropka pinaje niaŭdačnikaŭ-rełakantaŭ i ŭ chvost i ŭ hryvu. Momant dla takoha elehantnaha i pryhožaha razhromu emihracyi bliskučy», — smakuje Azaronak.
Biznesoviec Ivan Šyła prakamientavaŭ słovy Azaronka tak.
«Amnistyja, i ja adrazu ŭspaminaju pra Hryšu Azaronka. Jak jamu ciapier, učora jon patrabavaŭ viešać zmaharoŭ, a siońnia amnistyja? A ničoha, u jaho ŭsio dobra. Bo amnistyja heta… čarhovy ŭdar pa zmaharstvie, i tak, Łukašenka znoŭ usich pierajhraŭ», — napisaŭ jon.
Čytajcie taksama:
Azaronak skłaŭ biełaruski «śpis Duhinaj»
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy19
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
Nu ty už nie toropiś s žieniťboj)))