«Ujaŭlaješ, jak ty plavaŭ na ŭłasnuju krainu, što na ŭkrainskuju movu pierajšoŭ». Edhard Zapašny pasłaŭ biełaruskamoŭnaha himnasta
Siamion Bukin, biełaruski himnast i artyst cyrka «Dziu Salej», pieradaŭ «Našaj Nivie» cikavy aŭdyjazapis. Na im — pierapałka z Edhardam Zapašnym, viadomym rasijskim cyrkavym artystam, jaki vystupaje ŭ padtrymku vajny.
Pačałosia ŭsio sa zvarotu rasijskaha kalehi Siamiona. Toj paprasiŭ Bukina dapamahčy znajści artystaŭ-biełarusaŭ, jakija mahli b pajechać vystupać u Rasiju. Bukin admoviŭ i žartam paprasiŭ pieradać pryvitańnie Zapašnamu, prychilniku rasijskaj ułady.
Pryvitańnie Zapašnamu pieradali. U adkaz dresiroŭščyk zapisaŭ svajo paviedamleńnie biełaruskamu himnastu:
«Pryvit, ušlopak! Ja prasłuchaŭ tvajo paviedamleńnie. Internetaŭskim vojskam słava, słava Ukrainie, internetaŭskim vojskam słava! Ja baču, što ty vielmi śmieły ŭ internecie, ale spadziajusia, što tvaja luboŭ da Radzimy — ty ž ciapier na ŭkrainskuju movu pierajšoŭ — piarojdzie ŭ realnuju dapamohu krainie. Davaj, rodny, u akopy z aŭtamatam! A to abaraniać Radzimu ŭ internecie i pieradavać niešta tam Zapašnamu mohuć tolki takija ŭšlopki, jak ty, bajaźliŭcy.
Naša razmova skončanaja, bolš nie budu ničoha słuchać. Nabiarešsia śmiełaści kaliści padyści i skazać mnie niešta ŭ tvar — ja budu tolki rady, pahladzim, ci paśpieješ dahavaryć. Pakul».
Niahledziačy na abiacańnie, rasijanin usio-taki zapisaŭ jašče adno paviedamleńnie da Siamiona:
«Siabra, dyk ty, akazvajecca, u Polščy siadziš! Heta ty taki śmieły, bo [znachodzišsia] daloka i za miažoj?
Ujaŭlaješ, jak ty plavaŭ na ŭłasnuju krainu, što ty na ŭkrainskaj movie kamuści niešta tam pieradaješ, a sam, ****** (bajaźliviec. — «NN»), siadziš za miažoj? Boža, jak tabie nie soramna ŭ vočy svaim baćkam hladzieć, jak nie soramna hladzieć budzie tvajmu dziedu ŭ vočy, jaki, napeŭna, da Bierlina ŭ svoj čas dajšoŭ, jaki abaraniaŭ Radzimu!
A ty, ****** (bajaźliviec. — «NN»), akazvajecca, u Polščy ŭžo? Boža moj! Blin, ja tolki čas z taboj darma patraciŭ».
Cikava, što Zapašny, jaki nie moža adroźnić biełaruskuju movu ad ukrainskaj, nieadnojčy byvaŭ u Biełarusi. U apošnija hady jon ładziŭ tut zdymki dla svajho videaprajekta «Za miažoj», vykazvaŭsia pra praŭładnyja aŭtaprabiehi i kamientavaŭ pratesty 2020 hoda słovami «našy krainy sprabujuć razvalić». U intervju dziaržaŭnym miedyja dresiroŭščyk pryznaŭsia, što maje ŭ svajoj kalekcyi šajbu, padpisanuju Alaksandram Łukašenkam. Jość u bratoŭ Zapašnych i takoje fota:
Zaraz Edhard Zapašny pracuje hiendyrektaram Vialikaha maskoŭskaha dziaržaŭnaha cyrku, u jakim ładzić suśvietny fiestyval cyrkavoha mastactva «Idał». Jon zastajecca adnoj z samych viadomych asob u rasijskim cyrku i padtrymlivaje vajennyja dziejańni Rasii va Ukrainie.
U svaim telehram-kanale, na jaki padpisany amal 37 tysiač čałaviek, dresiroŭščyk publikuje pasty prapahandysckaha źmiestu i repościć kantent, što vyśmiejvaje Ukrainu. Z publikacyj apošnich dzion — škadavańnie, što pomnik Fieliksu Dziaržynskamu ŭsio jašče nie viarnuli na Łubianku, vinšavańnie Dźmitryja Miadźviedzieva z dniom narodzinaŭ i pažadańnie skončyć «śpiecyjalnuju vajennuju apieracyju» jak maha chutčej pieramohaj rasijskich vojskaŭ. A ŭ volny čas narodny artyst Rasii zdymajecca ŭ takich videa:
«Naša Niva» — bastyjon biełaruščyny
PADTRYMAĆ«Ščerbu ŭvohule nie liču biełarusam». Himnast z «Dziu Salej» Siamion Bukin daŭ pieršaje intervju paśla pierachodu na biełaruskuju movu
Pradziusar Viktar Drobyš tak hulaŭ u chakiej z Łukašenkam, što navat złamaŭ rabro
U susiednich krainach abmiarkoŭvajuć zabaronu na vykarystoŭvańnie žyvioł u cyrkach: ci mahčyma takoje ŭ Biełarusi?
Ciapier čytajuć
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary
hetyja "diedyvajevali" hladziacca kaniečnie žudasna i žudasnaje zaraz tvorać, ale treba razumieć, adkul ciahniecca heta ŭsio?
"V čiem korień?" - chto mnie dniami skazaŭ? i jašče Krapivu oj.. Prutkova vspomnił...
Da eto prosto tipičnyj ordynskij chołuj,rabolepstvujuŝij pieried svoim chanom,ohraničiennyj, skudnoumnyj,s biezzavietnoj nienavisťju k čiełoviečieskomu Miru. Kotoryj ,v siłu svojeho skudoumija nie možiet otličiť Biełaruskuju movu ot Ukrainskoj.
Tam takich pod 90%.