Alaksandr Łukašenka pazbaviŭ čarhovuju hrupu byłych siłavikoŭ vajskovych i śpiecyjalnych zvańniaŭ, kłasnych čynoŭ za ichnuju apazicyjnuju dziejnaść. Padobny pavodle źmiestu ŭkaz byŭ apublikavany ŭ minułym hodzie, paviedamlaje pres-słužba Łukašenki.
Usiaho pad represii hetym razam trapili bolš za 80 čałaviek. U ich liku vajskoŭcy, supracoŭniki inšych siłavych struktur, a taksama rabotniki orhanaŭ prakuratury, u tym liku ŭ adstaŭcy abo zapasie.
Akramia taho, va ŭkaz ŭklučany byłyja vajskoŭcy, jakija ŭ ciapierašni čas prymajuć udzieł va ŭzbrojenych kanfliktach na terytoryjach inšych dziaržaŭ. Pavodle viersii ŭłady, zvańniaŭ ich pazbavili za «ździajśnieńnie złačynstvaŭ, administracyjnych pravaparušeńniaŭ i dyskredytujučych pravin, niesumiaščalnych sa statusam vajskoŭca, rabotnika orhanaŭ prakuratury».
Pres-słužba pieraličvaje praviny pazbaŭlenych zvańniaŭ siłavikoŭ: «pryciahnieńnie da ŭstanoŭlenaj zakonam adkaznaści za naŭmysnaje razhałošvańnie słužbovaj tajamnicy, aktyŭny ŭdzieł u dziejańniach, jakija hruba parušajuć hramadski paradak, u tym liku niesankcyjanavanych mitynhach, abrazu pradstaŭnikoŭ ułady, vystup z zajavami ekstremisckaha charaktaru i inšyja».
Kankretnyja proźviščy pazbaŭlenych zvańniaŭ pakul što nie nazyvajucca.
Čytajcie taksama:
Pazbaŭleny zvańnia padpałkoŭnik KDB Kostka: Ja nivodnaha dnia nie słužyŭ pry Łukašenku i prysiahu jamu nie prynosiŭ
Baradač, Kostka, Łupanosaŭ… Apublikavany śpis siłavikoŭ, jakich Łukašenka pazbaviŭ zvańniaŭ
Łukašenka pazbaviŭ 80 siłavikoŭ zvańniaŭ za datyčnaść da pratestaŭ
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary