Łukašenka pazbaviŭ 80 siłavikoŭ zvańniaŭ za datyčnaść da pratestaŭ
Łukašenka siońnia padpisaŭ ukaz №174, u adpaviednaści ź jakim bolš za 80 byłych vajskoŭcaŭ i supracoŭnikaŭ roznych siłavych viedamstvaŭ pazbaŭlenyja voinskich i śpiecyjalnych zvańniaŭ.
Paviedamlajecca, što ŭ pieryjad pratestaŭ asobnyja vajskoŭcy i supracoŭniki siłavych viedamstvaŭ «nahniatali pratesnyja nastroi ŭ hramadstvie, arhanizoŭvali i ŭdzielničali ŭ niesankcyjanavanych mierapryjemstvach, raźmiaščali ŭ sietcy internet ekstremisckija materyjały, zaklikali da radykalnych dziejańniaŭ, publikavali asabistyja danyja dziaržaŭnych słužboŭcaŭ, žurnalistaŭ, supracoŭnikaŭ pravaachoŭnych orhanaŭ, vystupali z abvinavačvańniami, abrazami i pahrozami na ich adras».
«Takija dziejańni nie sumiaščalnyja sa statusam vajskoŭca i supracoŭnika siłavoha viedamstva», — havorycca ŭ aficyjnym paviedamleńni.
Pazbaŭleńnie zvańniaŭ takoj vialikaj kolkaści siłavikoŭ nie maje precedentu ŭ historyi Biełarusi i pakazvaje, nakolki nieadnaznačnyja nastroi panujuć u siłavych strukturach.
Siłaviki, jakija vystupajuć suprać dyktatury i za svabodnyja vybary, abjadnalisia ŭ inicyjatyvu ByPol. Paśla taho, jak ByPol apublikavaŭ šerah dakumientaŭ i aŭdyjozapisaŭ znutry siłavych struktur, jaho telehram-kanał uklučyli ŭ śpis ekstremisckich, a jaho kaardynataraŭ — u śpis asob, datyčnych da terarystyčnaj dziejnaści.
-
Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec
-
U Homieli žančynu vysielili ź internata prosta na vulicu. Jana maci dvuch dziaciej, ale heta ŭ zalik nie pajšło
-
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary