Prezident Ukrainy Uładzimir Zialenski adrazu paśla zakančeńnia cyrymonii ŭ Kramli, dzie prezident Rasii Uładzimir Pucin pravioŭ praceduru anieksii akupavanych ukrainskich terytoryj, vystupiŭ ź videazvarotam, dzie zrabiŭ važnyja zajavy.
«De fakta my ŭžo prajšli svoj šlach u NATA.
De fakta my ŭžo dakazali sumiaščalnaść sa standartami Aljansu. Jany realnyja dla Ukrainy — realnyja na poli boju i va ŭsich aśpiektach našaha ŭzajemadziejańnia. My daviarajem adzin adnamu, my dapamahajem adzin adnamu, i my abaraniajem adzin adnaho. Heta i jość Aljans. De fakta.
Siońnia Ukraina padaje zajaŭku, kab zrabić heta de jure.
Pavodle pracedury, jakaja budzie adpaviadać našamu značeńniu dla abarony ŭsioj našaj supolnaści. U paskoranym paradku. My robim svoj vyznačalny krok, padpisvajučy zajaŭku Ukrainy na ŭstupleńnie ŭ paskoranym paradku ŭ NATA», — zajaviŭ Zialenski.
Jon spasłaŭsia na precedenty Finlandyi i Šviecyi, jakija padali zajaŭki ŭ Aljans biez płana dziejańniaŭ. Ukraina, pavodle jaho, razumieje, što patrebny čas dla dasiahnieńnia kansensusu pamiž usimi ŭdzielnikami NATA, tamu Zialenski prapanavaŭ realizavać prapanovy pa harantyjach biaśpieki dla Ukrainy i ŭsioj Jeŭropy pavodle kijeŭskaj damovy ab biaśpiecy.
Akramia taho, Zialenski adznačyŭ, što nijakich pieramovaŭ z rasijskim kiraŭnictvam Ukraina vieści nie budzie, pakul prezidentam Rasii źjaŭlajecca Pucin. Pieramovy buduć vieścisia tolki z novym kiraŭnikom hetaj krainy.
Taksama stała viadoma, što hienieralny sakratar NATA Jens Stołtenbierh i hienieralny sakratar AAN Antoniu Huteryš siońnia ŭviečary źbirajucca vystupić ź niejkimi biesprecedentnymi zajavami.
Čytajcie taksama:
Na cyrymonii anieksii Pucin vystupiŭ z vysakaparnaj, ale niekankretnaj pramovaj. Budzie kurs na procistajańnie z Zachadam, ale čyrvonyja linii nie vyznačanyja
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary