Śledčy kamitet spyniŭ kryminalnuju spravu suprać pravaabaroncy Nasty Łojki
Pra toje, što suprać jaje spynili kryminalnuju spravu, paviedamiła ŭ fejsbuku sama pravaabaronca Human Constanta Nasta Łojka, piša «Miedyjazona».
«Pa viartańni na mianie čakaŭ list z SK, što kryminałka ŭ dačynieńni mianie spynienaja. Zaraz ja tolki śviedka pa spravie «Viasny» i biez zabarony na vyjezd», — napisała Łojka.
Łojku zatrymali 6 vieraśnia kala zały suda, dzie prachodziła pasiadžeńnie pa spravie «Revalucyjnaha dziejańnia». 7 vieraśnia joj prysudzili 15 sutak aryštu, a 22 vieraśnia jaje druhi raz aryštavali na toj ža termin.
U žniŭni 2021 hoda Łojka stała padazravanaj u sadziejničańni niavypłacie padatkaŭ (artykuł 243 KK RB) pa spravie suprać pravaabarončaha centra «Viasna». Pravaabaronca znachodziłasia pad padpiskaj ab niavyjeździe i abaviazacielstvam ab jaŭcy.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary