Absurdny fejk prapahandy: U Bierlinie vysiekli haradski park na 200 hiektaraŭ, bo niama čym aciaplać damy
Biełaruskija dziaržaŭnyja ŚMI pieradali absurdny fejk. Maŭlaŭ, Jeŭropa tak ciarpić ad mocnaha enierhietyčnaha kryzisu, što navat žycharam miehapolisaŭ davodzicca aciaplać pamiaškańni drovami. Naprykład, prapahanda śćviardžaje, što žychary Bierlina vysiekli suśvietna viadomy haradski park Tyrharten, kab aciaplić pamiaškańni.
Luby čałaviek, jaki choć raz byŭ u Bierlinie, viedaje, što Tyrharten — vielizarny park, płoščaj bolš za 200 hiektaraŭ. Kali b jaho i praŭda vysiakali na drovy, heta nie zastałosia b niezaŭvažanym.
Park maje važnaje kulturnaje i rekreacyjnaje značeńnie, nichto b jaho prosta tak nie vysiakaŭ.
Ale adkul hetaja prapahandysckaja łuchta ŭziałasia na łukašenkaŭskich resursach?
«Žychary Bierlina z-za niedachopu paliva śsiekli amal usie drevy ŭ centralnym parku Tyrharten u Bierlinie dla aciapleńnia svaich damoŭ. Pra heta sa spasyłkaj na Bloomberg infarmuje «Hazieta.ru», — paviedamlaje ANT.
Tut ničoha dziŭnaha niama. Łukašenkaŭskija miedyja časta publikujuć naviny zamiežža z rasijskich śmiećcievych sajtaŭ. Jany kapijujuć i štampujuć naviny, navat nie praviarajučy pieršakrynicy.
Ale što havorycca ŭ pieršakrynicy, na «Błumbierhu»?
«U Bierlinie kryzis nahadvaje ab tryvožnych adhałoskach nastupstvaŭ Druhoj suśvietnaj vajny — spustašeńni i zapuścieńni. Tady z-za niedachopu paliva žychary śsiekli amal usie drevy ŭ centralnym parku Tyrharten dla aciapleńnia. I choć ciapier bierlincy nie źbirajucca iści na takija krajnaści, kłopat pra zachavańnie ciapła źjaŭlajecca raspaŭsiudžanym», — havorycca ŭ pieršakrynicy.
Jak bačym, havorka išła pra toje, što park vysiekli paśla Druhoj suśvietnaj, a nie zaraz.
Z hałoŭnym bierlinskim parkam usio dobra.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary