Amierykanski Minfin prapanuje ŭstalavać limitnuju canu rasijskaj nafty na ŭzroŭni kala 60 dalaraŭ za barel. Takuju stol ahučyła 13 kastryčnika na sustrečy Mižnarodnaha valutnaha fondu i Suśvietnaha banka ministarka finansaŭ ZŠA Džaniet Jelen.
Amierykanskaja čynoŭnica nahadała, što meta ŭviadzieńnia stoli cen — dać mahčymaść Rasii praciahvać zdabyvać naftu i pradavać jaje vyšej sabiekoštu, ale pazbavić pry hetym zvyšprybytkaŭ ad vysokich cen, jakija składvajucca siońnia. U kančatkovym vyniku takija dziejańni pavinny zaachvocić Rasiju spynić vajennyja dziejańni va Ukrainie.
Raźliki Minfina ZŠA hruntujucca na tym, što Rasija ŭ apošnija piać—siem hadoŭ była hatovaja zdabyvać i pradavać naftu ŭ siarednim koštam pa 60 dalaraŭ za barel. Pavodle acenki Reuters, siońnia rasijskaja nafta marki Urals pradajecca prykładna z 20%-nym dyskontam ad etałonnaj marki Brent koštam kala 75 dalaraŭ za barel.
Rasijskija aficyjnyja asoby ŭžo nieadnarazova zajaŭlali, što ŭ adkaz na ŭviadzieńnie stoli cen pierastanuć pastaŭlać naftu ŭ tyja krainy, jakija na heta pojduć. Jelen na sustrečy z MVF i SB pryznała, što płanka dla ŭviadzieńnia takich sankcyj «vielmi, vielmi vysokaja», a ŭvodzić ich možna tolki šyrokaj kaalicyjaj krain.
Ciapier čytajuć
Łukašenka zajaviŭ, što raściahnuŭ myšcy śpiny paśla padzieńnia na chakiei4
Łukašenka zajaviŭ, što raściahnuŭ myšcy śpiny paśla padzieńnia na chakiei
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary