Ministr adukacyi: Bolš za 90 pracentaŭ vučniaŭ pryvatnych škoł pierajšli ŭ dziaržaŭnyja
U našaj krainie nie pracujuć usie pryvatnyja škoły, u jakich niama akredytacyi abo siertyfikata hatoŭnaści, paviedamiŭ ministr adukacyi Andrej Ivaniec, paviedamlaje BiełTA.
«U našaj krainie nie pracujuć usie pryvatnyja škoły, u jakich niama akredytacyi abo siertyfikata hatoŭnaści. Bolš za 90% navučencaŭ takich škoł užo pierajšli ŭ dziaržaŭnyja ŭstanovy adukacyi. Častka dziaciej znachodzicca za miažoj, pa ich viartańni ŭ krainu my sustreniem ich u našych škołach», — skazaŭ ministr.
Ivaniec nahadaŭ, što ŭčora byŭ padpisany zakon «Ab licenzavańni». «Toj raździeł, jaki pryśviečany sistemie adukacyi, ustupaje ŭ siłu z dnia padpisańnia. U dvuchdzionny termin pavinna być pryniata pastanova Savieta Ministraŭ «Ab zaćviardžeńni Paradku praviadzieńnia pracedury licenzavańnia», a taksama płany i hrafiki, paśla čaho abłasnyja i rajonnyja adździeły adukacyi pačnuć realizacyju svaich funkcyj i paŭnamoctvaŭ», — skazaŭ Andrej Ivaniec.
Nahadajem, što jašče da pryniaćcia hetaha zakona ŭ Biełarusi była amal źniščanaja pryvatnaja adukacyja, za apošni miesiac mnohija niedziaržaŭnyja ŭstanovy roznymi pravierkami zmusili zakrycca. Farmalnaj padstavaj staŭ incydent u škole «Smart skuł», dzie ŭ vypadku niaščasnaha vypadku była paranienaja dziaŭčynka, ale Łukašenka ŭ svaich paźniejšych zajavach asabliva i nie chavaŭ, što pryčyny represij suprać pryvatnaj adukacyi — ideałahičnyja.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam18
Kamientary