U Rasii prychilnikaŭ mirnych pieramoŭ upieršyniu stała našmat bolš za prychilnikaŭ vajny
Rasijski «Levada-centr» apublikavaŭ vyniki novaha zamieru hramadskaj dumki ŭ Rasii, pryśviečanaha staŭleńniu rasijan da vajny va Ukrainie. Pavodle ich, zaniepakojenaść ukrainskimi padziejami zachoŭvajecca ŭ Rasii na vysokim uzroŭni, a padtrymka dziejańniaŭ rasijskaj armii taksama zastajecca vysokaj. Pry hetym, adnak, praciahvaje raści kolkaść prychilnikaŭ mirnych pieramoŭ.
Biahučyja padziei va Ukrainie, pavodle źviestak «Levada-centra», vielmi turbujuć 58% respandentaŭ, 30% — chutčej turbujuć. Padtrymka ŭ roznaj stupieni dziejańniaŭ rasijskaha vojska va Ukrainie trymajecca na ŭzroŭni minułaha miesiaca — 73%: najbolšy ŭzrovień padtrymki siarod starejšych uzrostavych hrup (75%), najmienšy — dla maładych respandentaŭ (18-24) — 58% apytanych.
Častkovuju mabilizacyju siarod usich apytanych padtrymlivajuć 56%, nie padtrymlivajuć — 38%.
Druhi miesiac zapar nazirajecca pavolny rost kolkaści prychilnikaŭ mirnych pieramoŭ.
Kali ŭ žniŭni za praciah vajennych dziejańniaŭ vystupali 48% apytanych, u vieraśni — 44%, to ŭ kastryčniku — 36%. Adpaviedna za pačatak pieramoŭ u žniŭni vystupali 44%, u vieraśni — 48%, u kastryčniku — 57%.
Bolš za ŭsio prychilnikaŭ pačatku mirnych pieramoŭ pradstaŭlena siarod respandentaŭ 18-24 hadoŭ — 68%, za praciah bajavych dziejańniaŭ čaściej vystupajuć respandenty 55 hadoŭ i starejšyja — 42%.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary