Politico: Paśla pieramovaŭ z ZŠA Zialenski nazvaŭ umovy miru, ale nie zhadaŭ adchileńnie Pucina
Politico piša sa spasyłkaj na infarmavanyja krynicy, što prezident Ukrainy Uładzimir Zialenski niekalki źmiakčyŭ svaju pazicyju ŭ dačynieńni da pierśpiektyŭ miru z Rasijaj paśla pieramovaŭ z uładami ZŠA.
Amierykanskaje vydańnie nahadvaje pra vystup Zialenskaha ŭ paniadziełak, u jakim toj pieraličyŭ piać asnoŭnych umoŭ miru z Rasijaj:
— adnaŭleńnie terytaryjalnaj cełasnaści Ukrainy;
— pavaha da Statuta AAN;
— vypłata kampiensacyj za naniesienuju ŭ čas vajny škodu;
— pakarańnie ŭsich vinavatych u złačynstvach;
— pradastaŭleńnie harantyj, što vajna nie paŭtorycca.
Pry hetym, jak skazana ŭ publikacyi, Zialenski nie zhadaŭ, što pieramovy z Maskvoj mohuć adbycca, tolki kali prezident Uładzimir Pucin budzie adchileny ad ułady.
«Pieramiena, jak skazała adna z krynic, adbyłasia paśla niekalkich dzion pieramovaŭ pamiž Kijevam i Vašynhtonam, u tym liku asabistaj sustrečy ź Zialenskim daradcy pa nacyjanalnaj biaśpiecy Džejka Salivana, — pišuć aŭtary. — Sa słoŭ vysokapastaŭlenaha supracoŭnika administracyi [ZŠA], amierykanskija čynoŭniki prosta nie prasili Zialenskaha i jahonych daradcaŭ ab źmienie pazicyi, ale pieradali, što Kijeŭ pavinien prademanstravać žadańnie skončyć vajnu na razumnych i mirnych umovach».
Raniej Zialenski nieadnarazova kazaŭ, što nie maje namier vieści pieramovy ź ciapierašnim prezidentam Rasii paśla taho, jak Kreml pasprabavaŭ anieksavać čatyry ŭkrainskija rehijony (u dadatak da Kryma). Ab jakich-niebudź źmienach hetaha pryncypu ŭkrainskija ŭłady nie paviedamlali.
Amierykanskija ŚMI, u tym liku haziety Washington Post i Wall Street Journal, raniej pisali, što Salivan prapanoŭvaŭ Zialenskamu prademanstravać hatoŭnaść da miru, kab schilić na svoj bok suśvietnuju supolnaść.
Pry hetym žurnalisty padkreślivali, što Vašynhton nie imkniecca prymusić Kijeŭ pajści na jakija-niebudź sastupki.
Kamientary