Demakraty i respublikancy pakul majuć roŭnuju kolkaść miescaŭ u Sienacie, adnak na vybarach u Pałatu pradstaŭnikoŭ Respublikanskaja partyja vyrvałasia napierad z adryvam — 185 suprać 155 miescaŭ. Dla bolšaści nieabchodna zaniać 218 miescaŭ, piša RBK.
Respublikanskaja partyja ZŠA papiarednie zajmaje 185 miescy suprać 155 u Demakratyčnaj partyi ŭ Pałacie pradstaŭnikoŭ ZŠA, u Sienacie respublikancy i demakraty zaniali pa 46 miescaŭ, padličyŭ telekanał CNN.
Dla bolšaści ŭ Pałacie pradstaŭnikoŭ nieabchodna zaniać 218 miescaŭ, u Sienacie — 50. U vypadku roŭnaj kolkaści miescaŭ u abiedźviuch partyj u Sienacie, vyrašalny hołas zastajecca za vice-prezidentam ZŠA, hetuju pasadu ciapier zajmaje demakrat Kamała Charys.
Padlik hałasoŭ praciahvajecca.
Vybary ŭ Kanhres prajšli 8 listapada, apošnija dva hady Demakratyčnaja partyja mieła bolšaść jak u Pałacie pradstaŭnikoŭ, tak i ŭ Sienacie (za košt hołasu vice-prezidenta Kamały Charys), što dazvalała joj nie tolki pryznačać svaich pradstaŭnikoŭ na vyšejšyja pasady ŭ klučavych kamitetach kanhresa, ale i bieśpieraškodna pravodzić inicyjatyvy prezidenta Džo Bajdena. Jak praviła, kirujučaja partyja hublaje častku svaich miescaŭ padčas pramiežkavych vybaraŭ u ZŠA.
Demakrat, prezident ZŠA Džo Bajden papiaredžvaŭ, što partyja nie moža dazvolić prajhrać pramiežkavyja vybary, pakolki taki vynik pahražaje zrabić ciažkimi nastupnyja dva hady da najbližejšych vybaraŭ. «Dobraja navina ŭ tym, što ŭ mianie budzie asadka dla padpisańnia vieta», — pry hetym adznačaŭ jon.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary