Va Ukrainie asudzili na 12 hadoŭ tankista, jaki abstralaŭ šmatpaviarchovyja damy ŭ Maryupali
Mužčynu, asoba jakoha nie raskryvajecca (viadomy tolki jaho pazyŭny «Fił»), abvinavacili ŭ tym, što padčas vajny jon jak apieratar-navodčyk tanka T-72 zrabiŭ nie mienš za 20 strełaŭ pa žyłych šmatpaviarchovych damach u Maryupali.
Vajskoŭca ŭziali ŭ pałon u kancy krasavika niedaloka ad vioski Raŭnopal Danieckaj vobłaści paśla taho, jak USU padbili jaho tank, a sam jon atrymaŭ ranieńni.
U SBU zajavili, što sabrali biassprečnyja dokazy, što dazvoliła vynieści tankistu abvinavaŭčy prysud. Sud pryznaŭ tankista vinavatym pavodle artykułaŭ ab dziaržaŭnaj zdradzie i ŭdziele ŭ niezakonnym uzbrojenym farmiravańni.
U Słužbie biaśpieki Ukrainy adznačyli, što padsudny z 2014 hoda byŭ u šerahach vojskaŭ samaabvieščanaj DNR, a ŭ pačatku poŭnamaštabnaha ŭvarvańnia Rasii va Ukrainu dałučyŭsia da 8-j hvardziejskaj ahulnavajskovaj armii Uzbrojenych sił RF.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary