Hramadstva44

Pa danosie prałukašenkaŭskaha błohiera kašmarać supracoŭnikaŭ aŭtaparka ŭ Breście

«Na kiraŭničych pasadach aŭtaparka siadziać aktyŭnyja pradstaŭniki ekstremisckaj bieł-čyrvona-biełaj ideałohii», — śćviardžaŭ Alaksiej Holikaŭ. Vina ŭsich abvinavačanych «paćviardžajecca» tym, što jany stavili łajki dy rabili dopisy ŭ «Adnakłaśnikach».

Z dopisu błohiera Alaksieja Holikava ŭ jahonym telehram-kanale stała viadoma, što HUBAZiK zatrymaŭ supracoŭnikaŭ bieraściejskaha aŭtaparka. Pryčynaj stała jahonaje ž videa, jakoje vyjšła dva tydni tamu.

U videa jon śćviardžaje, što «na kiraŭničych pasadach aŭtaparka siadziać aktyŭnyja pradstaŭniki ekstremisckaj bieł-čyrvona-biełaj ideałohii». I cełych šeść chvilinaŭ ź pierabiŭkami na liryku davodzić heta.

Da prykładu, značnaja častka videa pryśviečanaja tłumačeńniu taho, jakaja rola ideołahaŭ na pradpryjemstvach. Moža padacca, što Holikaŭ daśviedčany zavadčanin, ale heta nie tak — jon sam niekali kazaŭ, što ŭsio žyćcio pracavaŭ pradprymalnikam u śfiery rekłamy, a paśla pačaŭ cikavicca žurnalistykaj i adkryŭ ułasny błoh.

U svaim videa jon abvinavačvaje ideołaha pradpryjemstva 56-hadovaha Ihara Parfieniuka ŭ tym, što jon, byccam by, razam ź inšymi «bčb-ideołahami» vinavaty ŭ tym, što adbylisia pratesty na pradpryjemstvach u žniŭni 2020-ha i Andrej Zielcer zastreliŭ supracoŭnika KDB Źmitra Fiedasiuka.

Taksama jon kaža pra načalnika vytvorča-techničanaha adździeła parka Alaksandra Saroku i 39-hadovaha načalnika aŭtakałony parka Siarhieja Sieradu (apošniamu zakidaje taksama «abrazu Łukašenki i siłavikoŭ»).

Vina ŭsich abvinavačanych «paćviardžajecca» tym, što jany stavili łajki dy rabili dopisy ŭ «Adnakłaśnikach».

Sens videa zvodzicca da taho, što Łukašenka — dobry prezident, a «bajary drennyja», bo ničoha nie robiać i tamu paŭsiul bardak.

Paśla Holikaŭ zaklikaje HUBAZiK pastavić «vykrytych» im supracoŭnikaŭ aŭtaparka «da dźviarej». Vidać, što heta i adbyłosia — sam jon kala 11-j ranicy napisaŭ, što ich zatrymali. Praŭda, akazałasia, što na pradpryjemstva pryjšli siłaviki, uziali tłumačeńni i ludzi praciahnuli pracavać.

Siarhiej Sierada, Alaksandr Saroka i Ihar Parfianiuk. Fota: «Viasna»

Paśla taho, jak vyjaviłasia, što zatrymanych adpuścili, Holikaŭ napisaŭ u svaim błohu: «Dziaciej i moładź, jakija astupilisia, zapisvajuć na fonie dźviarej, a kab nie psavać imidž dziaržaŭnaha pradpryjemstva, darosłych, jakija adkryta raspaŭsiudžvajuć materyjały z ekstremisckich resursaŭ, pakryvajuć».

Całkam mahčyma, što hetych ludziej u budučyni jašče čakaje pieraśled.

Holikaŭ uvohule niaroŭna dychaje da Bresckaha aŭtaparka i pryśviaciŭ jamu cełuju sieryju rolikaŭ. 

Nahadajem, raniej jon zaklikaŭ vyklikać milicyju, «kali pabačyli BČB», i «zakidvać śniežkami tych, chto kryčyć «Žyvie Biełaruś!».

«Naša Niva» — bastyjon biełaruščyny

PADTRYMAĆ

Kamientary4

  • Hryška
    23.11.2022
    Niama «ekstremisckae bieł-čyrvona-biełae» idealohii, bo svaboda, samakaštoŭnaść i samavyznačeńnie jość naturalnyja, a nie ekstremisckija. Retra-savieckaja «čyrvona-zialonaja» idealohija ekstremisckaja, bo katavańni, zhvałtavańni j zabojstvy jość ekstremisckija, a nie naturalnyja.
  • koričnievyj kołchozno-fašistko-łukašistskij riežim dołžien byť prizvan tierrorističieskim
    23.11.2022
    donosy, donosy, donosy, pytki, zadieržanija, rieprieśsii, sudiliŝi, donosy ... 
  • Spravka
    24.11.2022
    Och, kak pukany razorvało u NN. A vsie dieło v tom, čto avtopark v Briestie častnyj.

Ciapier čytajuć

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ9

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ

Usie naviny →
Usie naviny

«Jany byli macniejšyja za artyleryju». Zialenskaha paraŭnoŭvajuć z Čerčylem, ale kaho na samaj spravie jon ličyć kumiram1

Parad na 9 maja ŭ Minsku projdzie nie ranicaj, a viečaram3

Izrailcianina, jaki skardziŭsia na toje, što biełaruskaja žonka jamu vielmi doraha abychodzicca, asudzili na 10 hadoŭ za špijanaž1

U Minsku amal razabrali «razumny» prypynak na Niamizie6

Stała viadoma, jak u Rasii žachliva katavali ŭkrainskuju žurnalistku Viktoryju Roščynu13

U «Jedastaŭcy» znajšli bulbu pa 10 rubloŭ za kiłahram. U kramie ŭsio tłumačać kanjunkturaj rynku25

Miedsiastra ź Lepiela zakachałasia ŭ rasijskaha vajskoŭca i pajechała najomnicaj na front va Ukrainu24

Ryełtarski biznes «narmalizujuć». Ekśpiertka raskazała, čaho čakać4

U Aryzonie na chutkaści 340 km/h pierakuliłasia łodka, jakaja sprabavała pabić rekord chutkaści1

bolš čytanych navin
bolš łajkanych navin

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ9

U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić