Žychar Vilejki svaimi rukami sabraŭ usiudychod, jaho nazvali «Biehiemotam»
36-hadovy traktaryst i ślesar Vital ź Vilejki pačaŭ rabić mašynu ŭ 2017 hodzie, a zaviaršyŭ sioleta viasnoj. Pa dakumientach niezvyčajny transpart zarehistravany jak samarobny traktar, a sabraŭ Vital mašynu całkam svaimi rukami, piša Kraj.by.
Vitaleŭ usiudychod i bolšy, i chutčejšy, i kamfortniejšy za traktar, i kiravać im lahčej, jość navat sučasnyja sistemy biaśpieki. Mašyna moža nie tolki pieravozić hruzy, ale i «płavać», a taksama prachodzić pa hrazi. Za heta ŭsiudychod atrymaŭ mianušku Biehiemot.
Usie zapčastki na hetu mašynu kanstruktar kuplaŭ z dakumientami — jany ŭ dalejšym spatrebilisia dla rehistracyi transpartu. Ale jany ad roznych mašyn: masty — z aŭtamabila UAZ 469, koły — ad KrAZa, ruchavik i skrynka pieradač — ad Falksvahien Pasat i h. d.
Pra vykarystańnie techniki kanstruktar adrazu nie dumaŭ, prosta było cikava hetym zajmacca, a paśla — jeździć pa roznych ciažkadastupnych miescach. Ale jon moža pieravozić i hruzy vahoj da paŭtony. Dazvolenaja chutkaść ruchu — nie bolš za 30 km/h. Da ŭsiudychoda možna pryčapić navat naviasnoje abstalavańnie i vykarystoŭvać jaho jak traktar.
Niekalki razoŭ niezvyčajnuju mašynu ŭ Vitala chacieli kupić, ale jon pradavać svajho «Biehiemota» nie źbirajecca.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary