Katalicki ijerarch źviarnuŭsia da viernikaŭ z pasłańniem na Advent, pieradkaladny post. Siarod inšaha jon šmat uvahi nadaŭ acency sučasnaha hramadska-palityčnaha stanovišča.
«Hramadstva raskołata. Śviet znachodzicca na parozie novaj suśvietnaj vajny (…) Tamu Advent, jaki raspačynajecca, i śviaty Božaha Naradžeńnia buduć dla nas składanymi», — napisaŭ jon.
Arcybiskup pryhadaŭ taksama situacyju z Čyrvonym kaściołam i zaklikaŭ da malitvaŭ ab chutčejšym adnaŭleńni nabaženstvaŭ u začynienym chramie.
Mitrapalit emieryt zhadaŭ taksama ludziej, jakija «cierpiać z-za niespraviadlivaści, źniavoleńnia, chvaroby, straty blizkich i inšych niahodaŭ». Jon zaklikaŭ da salidarnaści ź imi i da «materyjalnaj i duchoŭnaj padtrymki».
Praciahvajučy razvažańnie pra «spravy hetaha śvietu», arcybiskup napisaŭ, što «nieadekvatnym źjaŭlajecca čałaviek, jaki topicca i nie chapajecca za ratavalny kruh, jaki jamu kidajuć». Niahledziačy na składanaść navakolnaj rečaisnaści, ijerarch zaklikaŭ «praciahvać lubić Boha i bližniaha».
Kamientary