Śviet44

«Alena, dzie naša Mivina?». U pieršyja dni vajny Zialenski jeŭ makaronu chutkaha pryhatavańnia. Ukrainskija sacsietki kpiać

Va ŭkrainskim siehmiencie sacyjalnych sietak žyva abmiarkoŭvajuć zajavu pres-sakratara prezidenta Ukrainy Siarhieja Nikifarava, jaki raspavioŭ pra askietyčnyja padrabiaznaści žyćcia kamandy Uładzimira Zialenskaha ŭ pieršyja dni rasijskaha ŭvarvańnia va Ukrainu, piša «Bi-bi-si».

Pres-sakratar raspavioŭ, što jamu, jak i astatnim, daviałosia pierajechać žyć na pracu i ŭmovy tam byli nie najlepšymi.

«Askietyčnyja ŭmovy, ale samaje nieabchodnaje było: duš — na kalidory, maleńkija pakojčyki ź nizkimi stolami. Usio takoje — ź minułaha, adnačasova čyścieńka i akuratna. Mietałapłastykavyja dźviery i pryhožyja śviatłodyjodnyja lampy nadavali sučasny vyhlad. Nas tam było niamała. Moj pakoj byŭ praz dvoje dźviarej ad prezidenta», — raspavioŭ Nikifaraŭ.

Charčavańnie, pa jaho słovach, u pieršyja dni taksama «było nie vielmi jakasnym».

«Razvodzili «Mivinu» navat nie haračaj, a ciopłaj vadoj, z-za hetaha jana jak treba nie razmakała. Ale heta litaralna pieršyja dni, potym pastupova ź ježaj situacyja palepšyłasia», — zajaviŭ Nikifraŭ.

«Mivina» — handlovaja marka makarony chutkaha pryhatavańnia, jakaja zavajavała na ŭkrainskim rynku absalutnaje lidarstva. Jana viadomaja jak tannaja, chutkaja i prostaja ŭ hatavańni — suchuju łokšynu dastatkova zalić kipieniem i pakinuć na niekalki chvilin.

«Mivinu» asacyjujuć z žyćciom u pachodnych umovach i hałodnymi i biednymi časami ŭ 90-ja.

Pradukt zapuściŭ na ŭkrainskim rynku ŭ 1995 hodzie ŭ Charkavie mihrant z Vjetnama Fam Niat Vionh. Jon zarabiŭ na joj kapitał i paśla staŭ pieršym miljarderam u siabie na radzimie i samym bahatym čałaviekam Vjetnama.

Z 2010 hoda jaho kampaniju «Technakom», jakaja zajmałasia vytvorčaściu «Miviny», vykupiła hrupa Nestlé.

«Nie žyćcio, a sucelny bol»

Zajavy Nikifarava spravakavali cełuju chvalu žartaŭ. Karystalniki ździŭlajucca, čamu ŭ ofisie prezidenta nie pakłapacilisia pra zapasy bolš pažyŭnaj ježy, i nie mohuć zrazumieć, čamu na Bankavaj nie było navat kipieniu, kab zaparyć łokšynu jak maje być.

«Dobra, što Juzika nie źjeli», — iranizuje karystalnik Śviatłana Kavalčuk, majučy na ŭvazie daŭniaha kalehu Zialenskaha pa humarystyčnych vystupach Juryja Karaŭčankava, viadomaha pa sceničnaj mianušcy «Juzik».

«To śniadankaŭ nie hatujuć, to «Mivina» nie razmokła, heta nie žyćcio, a sucelny bol u kijeŭskich chłopcaŭ, nie toje, što ŭ dziaŭčat USU dzieści na Danbasie», — žartuje karystalnica Darja Andrusienka-Jakaciuk, apublikavaŭšy ŭłasnaje fota z buterbrodam z čyrvonaj ikroj.

U apazicyi ŭzialisia žartavać, što haścinna b nakarmili prezidenckuju kamandu, tamu što, maŭlaŭ, u pieršyja dni vajny ŭ ich u štabie palavaja kuchnia pracavała značna lepš.

«Atrymlivajecca, što ŭ AP sotni supracoŭnikaŭ, a pakłapacicca pra prezidenta, na jakim siońnia kałasalnaja nahruzka, niama kamu, — adznačyła ŭ fejsbuku sustaršynia frakcyi «Jeŭrapiejskaja salidarnaść» Iryna Hieraščanka. — My, darečy, ščyra prapanoŭvali ŭładam ruku dapamohi ź pieršaha dnia vajny. Kali b viedali pra «Mivinu» — arhanizavali b padvoz haračych abiedaŭ u Ofis».

Asobnyja karystalniki miarkujuć, što pres-sakratar prezidenta moh być nie da kanca ščyrym u intervju i trochi pierabolšyŭ askietyčnaść vajennych budniaŭ u AP.

«Hetaja «razbaŭlenaja mivina» — užo ciapier asablivy simvał zeŭłady i novaj łokšyny na vušach ukraincaŭ i ŭsiaho śvietu», — aburajecca karystalnik Hoša Štern.

Kamientary4

  • rom
    07.12.2022
    intieriesno skolko jeŝie vriemieni projdiet  v ukrainie do povtornoho obhaživanija Zielenskoho)) 
    ili užie načali?
  • vvod
    08.12.2022
    rom, nu i hdie tut obhadili Zielenskoho? V piervuju očieried́ eti posty tknuli nosom toho intierv́juirujemoho, kotoryj napridumyvał vsiakoj fihni. A Zielenskomu eto prosto namiek, čto pri vsiech jeho zasłuhach on nie viečien v roli priezidienta (čisto na vsiakij słučaj, a to v putinu prievratitsia)
  • Tutsi
    08.12.2022
    rom, vy za ukrainciev osobo nie pierieživajtie - oni sami raźbierutsia. vy łučšie dumajtie ob vašiem obhažiennom kołchoźnikie, kotoromu narod skał «uchodi» v 2020.

Ciapier čytajuć

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Usie naviny →
Usie naviny

U Biełarusi aktyŭna budujuć dziaržaŭnyja majninhavyja fiermy. Jany dapamohuć padniać ekanomiku?7

Cichanoŭski: Paźniak zvarjacieŭ, škada čałavieka140

U Biełarusi ŭviaduć adkaznaść za hiej-prapahandu. Štraf — da 800 rubloŭ5

Maskoŭskaje «Tarpieda», jakoje treniruje biełaruski śpiecyjalist, vyklučyli z Rasijskaj premjer-lihi

U Litvu z terytoryi Biełarusi zalacieŭ niejki aparat. Spačatku padumali — šachied4

Alaksandr Mašenski bolš nie hanarovy konsuł Isłandyi ŭ Biełarusi4

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii7

Zasnavany biełarusam startap vypuściŭ ŠI-braŭzier

«Kružlaŭ nad Homielem paŭtary hadziny». Što paviedamlali ludzi pra rasijskija drony, što zalacieli padčas načnoj ataki Ukrainy

bolš čytanych navin
bolš łajkanych navin

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić