Łukašenka zajaviŭ, što epocha daminavańnia dalara zaviaršajecca
Ab hetym Alaksandr Łukašenka zajaviŭ u Biškieku na pasiadžeńni Vyšejšaha Jeŭrazijskaha ekanamičnaha savieta, piša BiełTA.
«Nieabchodna ŭ što b tam ni stała azdaravić kryvianosnuju sistemu našaha sajuza. Ja kažu ab finansach. Užo ŭsim zrazumieła, epocha daminavańnia dalara zaviaršajecca. Budučynia za handlovymi błokami, raźliki ŭ jakich buduć pravodzicca ŭ nacyjanalnych valutach», — skazaŭ Łukašenka.
Jon adznačyŭ, što Biełaruś i Rasija ŭžo syšli ŭ asnoŭnych raźlikach ad dalara. «Važna, kab i inšyja partniory aktyŭna padklučylisia da hetaha pracesu», — padkreśliŭ Alaksandr Łukašenka.
Taksama Łukašenka zajaviŭ, što prymityŭnaja štampoŭka Zachadam pakietnych ekanamičnych sankcyj suprać Biełarusi i Rasii pačynaje zacichać.
«Usio, što možna było zabaranić i abmiežavać, chaj navat i sabie na škodu, našy kontrpartniory ŭžo zrabili. Ciapier dla ich pryjšoŭ čas uśviedamleńnia i acenki nastupstvaŭ. Słovy pra enierhietyčny i charčovy kryzisy ŭžo hučać z usich trybun. Nie treba być prazorcam, kab vykazać zdahadku: chutka ŭ asobnych krainach da hetych dvuch kryzisaŭ moža dadacca i treci — palityčny. Simptomy jość», — skazaŭ Łukašenka.
Zajavy pra skančeńnie epochi dalara Alaksandr Łukašenka robić pieryjadyčna ŭsie hady svajho kiravańnia, za jakija biełaruski rubiel abiasceniŭsia adnosna dalara ŭ 6580 razoŭ, heta značyć, na 658000 pracentaŭ.
Kamientary