Rasijskaha apazicyjaniera Ilju Jašyna asudzili na 8,5 hoda kałonii za strym pra zabojstvy ŭ Bučy
Miaščanski sud Maskvy prysudziŭ vosiem z pałovaj hadoŭ kałonii ahulnaha režymu apazicyjnamu palityku Ilji Jašynu, jaki abvinavačvaŭsia ŭ raspaŭsiudzie «fejkaŭ» ab rasijskaj armii. Paśla adbyćcia terminu jamu na praciahu čatyroch hadoŭ budzie zabaroniena karystacca internetam.
Dziaržaŭny abvinavaŭca patrabavaŭ pryhavaryć palityka da dzieviaci hadoŭ kałonii. Kryminalnaja sprava była raspačataja z-za krasavickaha strymu Jašyna, u jakim jon raspaviadaŭ ab zabojstvie mirnych žycharoŭ u Bučy Kijeŭskaj vobłaści padčas rasijskaj akupacyi.
Pa viersii abvinavačvańnia, palityk raspaŭsiudžvaŭ «zahadzia łžyvuju infarmacyju» pa «matyvach palityčnaj nianaviści», choć «viedaŭ», što Rasija prymaje miery «pa padtrymańni miru i biaśpieki». Jašyna adpravili pad aryšt pa spravie ab «fejkach» u siaredzinie lipienia. Jašyn svajoj viny ŭ sudzie nie pryznaŭ.
Jon zajaviŭ, što ŭ svaim strymie pryvodziŭ i pazicyju Ukrainy adnosna zabojstvaŭ u Bučy, i pazicyju Minabarony Rasii, i paviedamleńni niezaležnych žurnalistaŭ. Ilja Jašyn paśla pačatku vajny va Ukrainie adkryta zaniaŭ antyvajennuju pazicyju i admoviŭsia źjazdžać z Rasii.
Pavodle artykuła ab «fejkach» pra rasijskaje vojska raniej byŭ asudžany maskoŭski municypalny deputat Alaksiej Horyn. Jon atrymaŭ siem hadoŭ kałonii. Padstavaj dla kryminalnaj spravy suprać jaho stała toje, što na pasiadžeńni Krasnasielskaha Savieta deputataŭ jon zaklikaŭ spynić vajnu i vyvieści rasijskija vojski z Ukrainy.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»5
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary