Rasijskaja nafta marki Urals patańnieła da 43,72 dalara za barel, paviedamlaje ahienctva Bloomberg sa spasyłkaj na cenavaje ahienctva Argus. Jak ličyć aŭtar artykuła, na źmienu cany rasijskaj nafty paŭpłyvała nie stolki ŭviadzieńnie stoli cenaŭ krainami hrupy G7, Jeŭrasajuzam i Aŭstralijaj, kolki sychod Rasii ź jeŭrapiejskaha rynku.
«Va Urals ciapier niama pakupnikoŭ na parozie, tamu ceny davodzicca źnižać, kab pryciahnuć dalokich pakupnikoŭ. Heta źviazana z sankcyjami i papiarednimi samaabmiežavańniami jeŭrapiejskich naftapierapracoŭščykaŭ, a nie z abmiežavańniem cenaŭ», — miarkuje analityk Argus Majkł Kerałan.
Kala troch čverciaŭ rasijskaj nafty adpraŭlałasia pa mory z zachadu krainy, paviedamlajecca ŭ artykule, a bolš darahaja transparciroŭka paliva ŭ Aziju viadzie da vysokich vydatkaŭ.
Pry hetym inšy hatunak nafty ESPO pradajecca lepš, choć i sa źnižeńniem cany, bo jon dastaŭlajecca z uschodniaj častki Rasii ŭ azijackija krainy.
Z 5 śniežnia Jeŭrasajuz pierastaŭ prymać rasijskuju naftu, jakaja pieravozicca pa mory, a krainy «Vialikaj siamiorki», Aŭstralija i Jeŭrasajuz uviali abmiežavańnie cenaŭ na jaje marskija pieravozki na ŭzroŭni 60 dalaraŭ za barel.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary