U Bielhii aryštavali namieśnicu kiraŭnika Jeŭraparłamienta i pradstaŭnicu hreckich sacyjalistaŭ Jevu Kajli.
Bielhijskaja hazieta Le Soir śćviardžaje, što Kajli padazrajuć u zamachu na karupcyju. Kryminalnaja sprava moža być źviazanaja z čempijanatam śvietu pa futbole, jaki akurat ciapier prachodzić u Katary.
Jak paviedamili ŭ fiederalnaj prakuratury Bielhii, Fiederalnaja sudovaja palicyja praviała 16 pieratrusaŭ pa 14 roznych adrasach u niekalkich municypalitetach Brusiela ŭ ramkach «rasśledavańnia mierkavanych dziejańniaŭ złačynnaj arhanizacyi, karupcyi i admyvańnia hrošaj». Było kanfiskavana 600 tysiač jeŭra najaŭnymi, a taksama kampjutary i mabilnyja telefony.
U chodzie pieratrusaŭ taksama byli zatrymanyja jašče čatyry čałavieki, u tym liku były italjanski deputat Jeŭraparłamienta ad hrupy sacyjalistaŭ i demakrataŭ (S&D). Jaho imia nie nazyvajecca.
Palicyja daŭno padazravała, što adna ź dziaržaŭ Piersidskaha zaliva sprabavała paŭpłyvać na parłamient ES, u tym liku prapanoŭvajučy padarunki i bujnyja sumy hrošaj členam Jeŭraparłamienta, paviedamlaje prakuratura.
U hrečaskaj sacyjalistyčnaj partyi PASOK zajavili, što Jevu Kajli siońnia vyklučyli z členaŭ abjadnańnia.
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary
I jeŝio so vriemion dieduški Lenina było jasno, čto vsie eti socialisty i diemokraty na v słovach piekutsia o narodie, a na diele o svojej tuškie v tieple i ličnom błahie. I eto nie iźmieniłoś s tiech por ni na jotu.