Fiodar Poŭny razhledzieŭ u kanstruktarach Lego pahrozu dla dziaciej, bo aryjentujuć na «inšakulturnyja ŭzory»
Protaijerej Fiodar Poŭny razhledzieŭ u kanstruktary Lego nibyta niehatyŭny ŭpłyŭ na farmiravańnie asoby dziciaci. Pra heta praŭładna i prarasijska nastrojeny nastajaciel prychoda ŭ honar Usich Śviatych u Minsku zajaviŭ na ANT.
Cacki, padobnyja da Lego, «aryjentujuć dzicia na inšakulturnyja ŭzory i ŭtojena ahresiŭnyja», ličyć protaijerej Fiodar Poŭny.
«Niadaŭna ŭ chramie ja ŭbačyŭ chłopčyka hadoŭ troch, jaki paśla słužby ŭ čakańni mamy hulaŭ na łavačcy z maleńkimi fihurkami koniej i vieršnikaŭ z «Leha». Što ja tam ubačyŭ: maleniečkija tvary ŭ šyrakapołych kapielušach byli nachmuranyja i aščeranyja, adzin, asabliva ahresiŭnaha vyhladu, z adkrytym rotam i vytaraščanymi vačyma, mabyć, adlustroŭvaŭ vajaŭničuju lutaść», — raspavioŭ pradstaŭnik RPC.
Poŭny nie raić baćkam dazvalać dzieciam brać kanstruktary Lego z saboj u chram, zamiest hetaha «prapanujcie dziciaci adpaviednuju knižku-rasfarboŭku, nievialikuju miakkuju cacku abo lalku».
Jon ličyć, što vyrazna paznačanyja admoŭnyja emocyi, adlustravanyja na tvarach piersanažaŭ abo ŭ ich dziejańniach, mohuć navučyć dziaciej nianaviści i złości. Ledź nie hałoŭnaja tema naboraŭ kanstruktara, pa słovach vyrazna praŭładnaha i prarasijskaha śviatara, — heta raznastajnyja vojny.
Pry hetym vajna va Ukrainie, jakuju raźviazała Rasija, Poŭnaha nie biantežyć, jon całkam za jaje.
«Darahija taty! Zrazumieła, treba vychoŭvać u synach śmiełaść, advahu i mužnaść. Och, jak časta hetaha ŭ vas brakuje! Ale ci spryjaje vypracoŭcy hetych jakaściaŭ viestern? Niaŭžo «krutyja» kaŭboi i «ahienty 007» — heta ideał, da jakoha treba imknucca? Moža być, cacačnyja vajary, jakich vy zmajstrujecie razam z synam, akažucca bolš prymalnyja dla vychavaŭčych metaŭ?» — źviartajecca protaijerej da biełaruskich mužčyn.
Čytajcie taksama:
Biełastaččanin Łukaš Viencek stvaryŭ z LEGO padlašskuju chatu, i jaje acanili
LEGO prezientavała nabor z 1,5-mietrovaj Ejfielevaj viežaj
«Zornuju noč» van Hoha ciapier možna sabrać z Lego. Spatrebicca bolš za 2 tysiačy detalaŭ
-
Łukašenka — Bastrykinu: My prytrymlivajemsia adnoj linii, adnoj pazicyi
-
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
-
Mieniedžara z chołdynha «Amkador» asudzili za «sadziejničańnie ekstremizmu»
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary
Chaj Chviedar jak blizki da cieła pop lepiej raskaža, ci Mikołka svoj załaty pistalet taksama z tatam zmajstravaŭ. Ich pasłuchać, to biehanina sa zbrojaj vakoł pałaca najlepš umacoŭvaje siemji.