Paviedamlajecca, što akciora nie stała jašče ŭ piatnicu 9 śniežnia.
Va ŭzroście 48 hadoŭ pamior biełaruski i rasijski akcior Siarhiej Zyhmantovič. Pavodle papiaredniaj infarmacyi, akciora nie stała ŭ piatnicu, 9 śniežnia 2022 hoda, ab pryčynach śmierci pakul ničoha nie viadoma, paviedamlaje «Kamsamołka».
Siarhiej Zyhmantovič naradziŭsia ŭ 1974 hodzie, u 1999 hodzie atrymaŭ dypłom Biełaruskaha dziaržuniviersiteta kultury i mastactvaŭ, słužyŭ u Novym dramatyčnym teatry Minska, a taksama ŭ teatry «Dzie ja?».
Upieršyniu na ekranie Siarhiej Zyhmantovič źjaviŭsia ŭ 1999 hodzie: debiutam stała epizadyčnaja, ale jarkaja rola ŭ pieršym siezonie telesieryjała «Kamienskaja». U rozny čas akcior źniaŭsia jašče ŭ troch siezonach «Kamienskaj»: heta byli epizody i rola apieratyŭnika.
Ahułam u filmahrafii artysta kala 40 rolaŭ: «Paskoranaja dapamoha», «U červieni 41-ha», «Kursanty», «Adnaluby». Byŭ u Siarhieja Zyhmantoviča i dośvied pradziusarskaj pracy: z 2016 pa 2020 hady jon pradziusavaŭ papularny telesieryjał «Muchtar. Novy śled».
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary