Hałoŭnakamandujučy Uzbrojenych sił Ukrainy Valeryj Załužny raspavioŭ, što jon dumaje pra kamandujučaha rasijskimi vojskami va Ukrainie Siarhieja Suravikina.
«Pry ŭsioj pavazie da spadara Suravikina, kali pahladzieć na jaho, to heta zvyčajny kamandzir časoŭ Piatra I, skažam tak, dziaržymorda. Hladziš na jaho i razumieješ, što ci ty vykonvaješ zadańnie, ci tabie kaniec. A my daŭno zrazumieli, što taki padychod nie pracuje».
Pa słovach ukrainskaha hałoŭnakamandujučaha, va ŭkrainskaj armii ŭsio inakš: časam 21-hadovyja lejtenanty kamandujuć mužčynami, jakim pa 50-60 hadoŭ. A «trymać paradak kułakami i bicepsami» va Uzbrojenych siłach Ukrainy nie atrymlivajecca.
«Zaŭsiody možna być narmalnym. Być narmalnym — heta značyć zastavacca čałaviekam u luboj situacyi — heta samaje hałoŭnaje. Zastavacca čałaviekam, stanavicca lidaram. Być bolš razumnym, bolš mocnym, bolš talenavitym i tady sprabavać kiravać ludźmi. Heta relihija, jakuju ja vyznaju».
Załužny padkreśliŭ, što daviaraje svaim hienierałam, a taksama słuchaje tych, chto na miescach. «Tamu što inicyjatyva tam», — tłumačyć hałoŭnakamandujučy ŭkrainskich vojskaŭ.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary