Pasprabujcie rašyć hetu nieskładanuju zadaču pra piasočnyja hadzińniki
My praciahvajem publikavać cikavyja zadačy dla treniroŭki mozhu ad Popular Mechanics. Hetym razam — pryhožaja karotkaja zadačka pra vyličeńnie času.
Zadača
U vas jość 11-chvilinny i 7-chvilinny piasočnyja hadzińniki. Treba admierać roŭna 15 chvilin. Jak vy heta zrobicie?
Padkazka
Jość niekalki sposabaŭ admierać 15 chvilin, adnak adzin bolš efiektyŭny, čym druhi. Ci zmožacie vy znajści abodva?
Rašeńnie pa tradycyi znojdziecie pad fota.
Rašeńnie
Voś pieršy sposab admierać 15 chvilin.
- Pieraviarnicie i 11-chvilinny, i 7-chvilinny piasočnyja hadzińniki, kab zapuścić abodva.
- Kali piasok u 7-chvilinnym hadzińniku zakančvajecca, heta momant, kali vy pačynajecie admiarać nieabchodnyja 15 chvilin. Voś čamu.
- U hety momant piasku ŭ 11-chvilinnym hadzińniku zastajecca roŭna na čatyry chviliny. Takim čynam, ad hetaha momantu i pakul dasyplecca piasok u 11-chvilinnym hadzińniku, a paśla jašče adzin pieravarot 11-chvilinnaha hadzińnika, i vy atrymajecie roŭna 15 chvilin.
Ale jość sposab jašče lepšy za hety! Rašeńnie vyšej patrabuje ahułam 22 chviliny (7 čakajem i potym 15 admiarajem), ale možna vymierać 15 chvilin roŭna za 15 chvilin, nie hublajučy času.
Druhoje rašeńnie.
- Pieraviarnicie i 11-chvilinny, i 7-chvilinny piasočnyja hadzińniki, kab zapuścić abodva.
- Kali piasok u 7-chvilinnym hadzińniku skončycca, nieadkładna pieraviarnicie jaho, kab pierazapuścić.
- Kali skončycca ŭ 11-chvilinnym, pieraviarnicie 7-chvilinny jašče raz, navat kali piasok tam jašče jość.
- Kali piasok u 7-chvilinnym hadzińniku znoŭ skončycca, projdzie roŭna 15 chvilin.
Davajcie rastłumačym druhoje rašeńnie. Vy pieravaročvajecie ich abodva, i kali piasok skončycca ŭ 7-chvilinnym — projdzie roŭna 7 chvilin. Vy znoŭ pieravaročvajecie 7-chvilinny hadzińnik, kab pierazapuścić jaho. Zatym, praz čatyry chviliny, piasok zakančvajecca ŭ 11-chvilinnym hadzińniku. Takim čynam, ahulny čas užo składaje 11 chvilin. Heta taksama aznačaje, što ŭ 7-chvilinnym hadzińniku zastałosia 3 chviliny — i kali vy pieravierniecie jaho ŭ hety momant, tam zastaniecca piasku roŭna na čatyry chviliny. Takim čynam, u kancy vy atrymajecie roŭna 15 chvilin.
Skarystajcie zaaščadžany čas, kab zrabić niešta dobraje: naprykład, dapamahčy tamu, chto ŭ hetym maje patrebu.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary