«Usio zaležyć ad taho, jak zmantavali». Vajenkam, jaki raspavioŭ pra pavieličeńnie terminu słužby ŭ rasijskaj armii, admaŭlajecca ad svaich słoŭ
Žurnalisty MSK1.Ru datelefanavalisia da vajenkama Michaiła Focina, jaki ŭ efiry «Dmitrov TV» paviedamiŭ pra toje, što pryzyŭniki RF buduć słužyć ź viasny 2023 — 1,5 hoda, a z vosieni 2023 — 2 hoda, i spytali ŭ jaho, ci sapraŭdy pavialičycca termin vajskovaj słužby.
«Ja tam šmat što skazaŭ. Usio zaležyć ad taho, jak zmantavali. Pa-roznamu možna zmantavać materyjał, jaki vy atrymlivajecie», — tak na pytańnie adkazaŭ Focin.
A voś «Bazie» Michaił Focin zajaviŭ, što videa, na jakim jon havoryć pra pavieličeńnie terminu słužby, było zapisana dva hady tamu.
Ale ž na videa vajenkam taksama skazaŭ pra ŭstupleńnie ŭ NATA «paŭnočnych susiedziaŭ» Rasii, mienavita hetym jon tłumačyŭ nieabchodnaść viartańnia da dvuchhadovaj terminovaj słužby. Finlandyja i Šviecyja padali zajaŭku na ŭstupleńnie ŭ aljans u 2022 hodzie.
U telehram-kanale Minabarony RF zjaviłasia abviaržeńnie słoŭ Focina. «U ciapierašni čas jakich-niebudź źmianieńniaŭ zakanadaŭstva Rasijskaj Fiederacyi ŭ častcy, jakaja tyčycca źmieny terminaŭ vajennaj słužby pa pryzyvie, Minabarony Rasii nie prapanujecca», — havorycca ŭ zajavie, padpisanaj vajenkamam Maskoŭskaj vobłaści Alaksiejem Astachavym.
Intervju z Focinym vydalili ź jutuba.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary