Abvieščany konkurs na samy kreatyŭny list da paleskaha Ziuzi. Kudy pisać?
U Nacparku «Prypiacki» startavaŭ konkurs na samy cikavy, kreatyŭny list paleskamu Ziuzi, jaki žyvie ŭ miascovaj rezidencyi.
Heta dla tych, chto vieryć u cud, čaraŭnictva i spaŭnieńnie žadańniaŭ.
«Niavažna, dzicia vy abo darosły, — udzielničać mohuć usie. Pišycie ŭ liście ŭsio, što vaša duša pažadaje! Tvarycie, fantazirujcie, vytvarajcie, malujcie, daviercie svaje samyja ščyryja žadańni piaru i papiery biez abmiežavańniaŭ i adpraŭlajcie paleskamu Ziuzi. Mahčyma, što Ziuzia dapamoža spaŭnieńniu vašaj zapavietnaj mary», — źviarnulisia da patencyjalnych udzielnikaŭ arhanizatary.
Čaroŭny adras dla pisiem: 247946, ah. Laskavičy, vuł. Hłuško, 7a, Pietrykaŭski rajon, Homielskaja vobłaść, Nacyjanalny park «Prypiacki», Paleskamu Ziuzi.
Aŭtaraŭ samych čullivych pisiem čakajuć padarunki. Pieramožca atrymaje siertyfikat na pajezdku ŭ safary-park i sałodki pačastunak — blin z vareńniem i traviany čaj. Pryz za druhoje miesca — siertyfikat na naviedvańnie Muzieja pryrody ŭ Laskavičach i padarunak ad paleskaha Ziuzi, a za treciaje — siertyfikat na naviedvańnie Muzieja pad adkrytym niebam u ah. Laskavičy i taksama padarunak ad paleskaha Ziuzi.
Čaraŭnictva zdarycca 16 studzienia — arhanizatary nazavuć imiony pieramožcaŭ.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary