Pussy Riot vypuścili novuju antyvajennuju pieśniu «Mama, nie hladzi televizar»
«Hetaja pieśnia — naša zajava suprać vajny, raźviazanaj Pucinym i jaho bandaj va Ukrainie. 24 lutaha 2022 hoda, roŭna 10 miesiacaŭ tamu, Rasija pačała poŭnamaštabnaje vajennaje ŭvarvańnie va Ukrainu. Rasijskija bomby i rakiety padajuć na ŭkrainskija žyłyja damy, škoły, lakarni, źniščajučy harady i rujnujučy žyćci», — prakamientavali Pussy Riot svoj novy klip.
«My ličym pucinski režym terarystyčnym, a samoha Pucina i jaho čynoŭnikaŭ, hienierałaŭ i prapahandystaŭ — vajennymi złačyncami. Huk sireny, abviestka avijaataki na harady Ukrainy, hrubaje elektronnaje hučańnie indastryjała», — dadali ŭdzielnicy hurta Maryja Alochina, Volha Barysava, Dyjana Burkot, Tasa Pletnier.
Prypieŭ zasnavany na słovach pałonnaha rasijskaha sałdata terminovaj słužby, jaki ŭ telefonnaj razmovie z maci vymaviŭ: «Mama, tut niama nijakich nacystaŭ, nie hladzi televizar».
Zhadvacca ŭ klipie i Biełaruś, i adkul na jaje rychtavaŭsia napad.
«My źviartajemsia da tych, chto ŭ Rasii: kali łaska, nie ŭdzielničajcie ŭ hetaj vajnie! Nie biarycie pozvy, nie chadzicie ŭ vajenkamaty, nie słuchajcie prapahandu! Kožny žest suprać hetaj vajny važny», — dadali ŭdzielnicy pank-hrupy.
«My źviartajemsia da tych, chto na Zachadzie: 1. Embarha na rasijskija naftu i haz, na prodaž Rasii zbroi i palicejskaj amunicyi 2. Aryštavać zachodnija rachunki i nieruchomaść rasijskich čynoŭnikaŭ i aliharchaŭ, uvieści suprać ich piersanalnyja sankcyi 3. Mižnarodny trybunał nad Uładzimiram Pucinym, supracoŭnikami prapahandy, vajskovymi čynoŭnikami i kožnym, chto adkazny za hienacyd ukrainskaha naroda».
Papiaredžańnie: klip źmiaščaje niecenzurnuju leksiku.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž17
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary