Navuka i technałohii11

Skandał z Twitter: chakiery zajavili, što zavałodali danymi 400 miljonaŭ karystalnikaŭ. Čym heta pahražaje biełarusam i što rabić?

Ekśpierty pa biaśpiecy kažuć, što heta całkam mahčyma. Raspaviadajem, jakija nastupstvy mohuć być u hetaha «źlivu» i jak abaranić siabie.

Fota: Bryce Durbin / TechCrunch

Uviečary 23 śniežnia chakier pad niknejmam Ryushi raźmiaściŭ post na forumie, dzie handlujuć uzłamanymi i skradzienymi bazami danych breached. U im jon kaža, što adkryŭ uraźlivaść u sacsietcy, jakaja dazvoliła jamu zdabyć danyja 400 miljonaŭ karystalnikaŭ servisu. Tam ža raźmieščany prykład danych — heta 1000 akaŭntaŭ sa źviazkami «imia i proźvišča — imia karystalnika — email — telefon — čas stvareńnia akaŭnta».

Chakier prapanuje administracyi Twitter vykupić danyja ŭ jaho, kab paźbiehnuć štrafa za parušeńnie pryvatnaści — nahadvajučy, što niadaŭna za źliŭ danych 533 miljonaŭ karystalnikaŭ z Facebook kampanija Meta zapłaciła 276 miljonaŭ dalaraŭ. My sprabavali ź im źviazacca, ale jon praihnaravaŭ paviedamleńnie.

Ałan Hał, zasnavalnik kampanii Hudson Rock, jakaja śpiecyjalizujecca na rasśledvańni kibierzłačynnaści i pošuku źlivaŭ infarmacyi karystalnikaŭ, kaža, što schilajecca da dumki, što infarmacyja pra ŭciečku danych 400 miljonaŭ karystalnikaŭ praŭdzivaja. Pa jahonych źviestkach, danyja zdoleli «vyciahnuć» jašče na pačatku 2022 hoda dziakujučy ŭraźlivaści płatformy. Pa słovach Hała, całkam mahčyma, što nieŭzabavie danyja stanuć publičnymi.

Nahadajem, sioleta ŭ žniŭni stała viadoma, što ŭciakli danyja 5,4 miljonaŭ karystalnikaŭ Twitter. Ale daśledčyki śćviardžajuć, što vykładzieny chakieram uzor danych utrymlivaje źviestki ź inšych akaŭntaŭ (supała tolki 50 z 1000 pravieranych).

Čym heta pahražaje karystalnikam?

Samaje strašnaje — deananimizacyja karystalnikaŭ. Dahetul isnuje vielmi šmat ananimnych akaŭntaŭ u tvitary, ale kali ich danyja stanuć nabytkam chakieraŭ i «źliŭnych» siervisaŭ, to jany pierastanuć być ananimnymi. Niekatorym heta moža pahražać kryminalnym pieraśledam.

Taksama machlary mohuć uzłamać vielmi šmat nieaktyŭnych akaŭntaŭ i rassyłać praź ich machlarskija paviedamleńni znajomym karystalnikaŭ. Takoje adbyvajecca vielmi časta.

Jašče adna niebiaśpieka — padmiena numara viadomaj asoby. Servisy dla padmieny numaroŭ aktyŭna pradajucca ŭ internecie, i ciapier luby achvotny zdoleje heta zrabić.

I apošniaja vialikaja pahroza — heta ŭzłom pryvatnych akaŭntaŭ viadomych asob i zvyčajnych karystalnikaŭ. Časta ludzi vykarystoŭvajuć adny i tyja ž paroli dla roznych servisaŭ, i chakiery amal napeŭna zdolejuć takim čynam uzłamać miljony akaŭntaŭ.

Što zrabić, kab siabie abaranić?

Pakul danyja nie stali nabytkam hramadskaści, mnohaje možna źmianić. Važna viedać, što danyja ŭ rukach chakieraŭ aktualnyja na pieršuju pałovu 2022 hoda, i kali vy stvaryli akaŭnt paźniej ci pierastvarali jaho, to jaho heta zakranie słaba.

Pa-pieršaje, źmianicie vaš parol ad ulikovaha zapisu Twitter. Heta abaronić vas ad uzłomu «ŭ łob».

Pa-druhoje, lepš źmianić pryviazanyja da akaŭnta email i numar telefona. Heta taksama zrobić akaŭnt bolš biaśpiečnym, bo chakiery i machlary nie buduć viedać ich.

Pa-treciaje, varta ŭklučyć dvuchfaktarnuju abaronu praz mabilny dadatak ci SMS.

Pa-čaćviortaje, uzhadajcie ci pierapraviercie, da čaho pryviazany vaš akaŭnt (ci byŭ pryviazany na momant pačatku 2022 hoda). Kali heta vaš asabisty email i telefon, to ź vialikaj imaviernaściu vas možna identyfikavać. Acanicie ryzyki dla vas asabista.

Kali vy ŭ Biełarusi, to čym pahražaje deananimizacyja vašaha akaŭnta? Ci budzie jana mieć značnyja nastupstvy? Dziejničajcie tak, jak vy rašycie sami. Bieražycie siabie.

«Naša Niva» — bastyjon biełaruščyny

PADTRYMAĆ

Čytajcie taksama:

Jakaja infarmacyja z Nexta i BHM mahła apynucca ŭ rukach łukašenkaŭcaŭ i što rabić biełarusam, jakija tudy pisali

Kotatogram: hubazikaŭcy pakazali, jak jany analizujuć pratesnyja čaty. Voś što varta viedać

Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd

Kamientary1

  • Chiech
    28.12.2022
    Tvitier chranit jeŝie ajpišnik, s kotoroho riehiłsia akkaunt. Eto značit, čto data i vriemia + ajpišnik = stoprocientnaja dieanonimizacija polzovatiela iz Biełarusi, jeśli on zariehił akkaunt nieskolko let nazad (ili skolko tam provajdiery chraniat łohi) nie iz-za VPN.

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić