Aficyjnaje paviedamleńnie pra śmierć lehiendarnaj pank-madeljerki źjaviłasia na staroncy jaje brenda ŭ tvitary. Joj byŭ 81 hod.

Viestvud nabyła viadomaść u 1970-ch hadach, jana była adnoj sa stvaralnic pank-estetyki. Jaje pryjacielem byŭ Malkalm Makłaren — mieniedžar samaha viadomaha pank-hurta Sex Pistols, muzyki jakoha źjaŭlalisia pierad kamierami ŭ vopratcy aŭtarstva Viestvud.
Da taho, jak zaniacca modaj, Viŭjen pracavała nastaŭnicaj pačatkovych kłasaŭ, a paśla razam z Makłarenam adkryła kramu adzieńnia na Kinhs-Roŭd u łondanskim rajonie Čełsi pad nazvaj Let It Rock. Zatym bucik staŭ nazyvacca Sex, a ŭ kancy 1975 hoda Makłaren staŭ mieniedžaram Sex Pistols.
Paźniej Viestvud zdoleła stvaryć hłabalny brend, jaki vypuskaje darahuju vopratku. Jana ličycca adnym z najbolš upłyvovych madeljeraŭ XX stahodździa.
Akramia taho, Viŭjen Viestvud była viadomaja jak hramadskaja aktyvistka, časta rabiła palityčnyja zajavy i prymała ŭdzieł u demanstracyjach, u tym liku ŭ abaronu Džulijana Asanža ci suprać zabrudžvańnia atmaśfiery.
U 2006 hodzie atrymała ad karalevy Lizaviety II rycarski tytuł damy za ŭniosak u raźvićcio mody.

Kamientary