Bajden padpisaŭ biudžet ZŠA — na dapamohu Ukrainie i krainam NATO pojdzie 45 młrd dalaraŭ
Prezident ZŠA Džo Bajden padpisaŭ biudžet krainy na 2023 finansavy hod abjomam u 1,7 trłn dalaraŭ, paviedamlaje VVS.
Zhodna z zakonam, prykładna 45 młrd dalaraŭ buduć vydzielenyja na dapamohu Ukrainie i krainam NATO. Heta bolš, čym zapytvała administracyja Bajdena. Abjomy ŭłasna vajennaj dapamohi Kijevu, zhodna ź biudžetam, zachavajucca prykładna na ŭzroŭni 2022 hoda.
Na abaronnyja vydatki ZŠA vydzialaje 858 młrd dalaraŭ, što na 10% bolš, čym u biahučym hodzie, i na $45 młrd pieravyšaje sumu, jakuju zapytvaŭ Bajden.
Z hetych srodkaŭ amal 140 młrd dalaraŭ buduć vydzieleny na pierśpiektyŭnyja daśledavańni i raspracoŭki ŭ vajennaj śfiery — pa słovach pradstaŭnikoŭ respublikanskaj partyi, heta biesprecedentnaja suma. Jak paviedamlaje Financial Times, jana pojdzie na dośledna-kanstruktarskija prajekty ŭ śfiery ŭzbrajeńniaŭ, takija, jak, naprykład, hipierhukavyja rakiety.
Siarod inšaha, taksama płanujecca pabudova 11 novych bajavych karabloŭ i adnaŭleńnie bajazdolnaści 19 šmatmetavych udarnych źniščalnikaŭ.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary