Байдэн падпісаў бюджэт ЗША — на дапамогу Украіне і краінам NATO пойдзе 45 млрд даляраў
Прэзідэнт ЗША Джо Байдэн падпісаў бюджэт краіны на 2023 фінансавы год аб'ёмам у 1,7 трлн даляраў, паведамляе ВВС.
Згодна з законам, прыкладна 45 млрд даляраў будуць выдзеленыя на дапамогу Украіне і краінам NATO. Гэта больш, чым запытвала адміністрацыя Байдэна. Аб'ёмы ўласна ваеннай дапамогі Кіеву, згодна з бюджэтам, захаваюцца прыкладна на ўзроўні 2022 года.
На абаронныя выдаткі ЗША выдзяляе 858 млрд даляраў, што на 10% больш, чым у бягучым годзе, і на $45 млрд перавышае суму, якую запытваў Байдэн.
З гэтых сродкаў амаль 140 млрд даляраў будуць выдзелены на перспектыўныя даследаванні і распрацоўкі ў ваеннай сферы — па словах прадстаўнікоў рэспубліканскай партыі, гэта беспрэцэдэнтная сума. Як паведамляе Financial Times, яна пойдзе на доследна-канструктарскія праекты ў сферы ўзбраенняў, такія, як, напрыклад, гіпергукавыя ракеты.
Сярод іншага, таксама плануецца пабудова 11 новых баявых караблёў і аднаўленне баяздольнасці 19 шматмэтавых ударных знішчальнікаў.
Цяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары