Aŭto11

Chutka kuplać i pradavać aŭtamabili treba budzie pa novych praviłach. Što źmienicca?

Z 22 studzienia pačnuć dziejničać novyja praviły pra prodažy i kupli patrymanych aŭtamabilaŭ. Vyvučyli, jakija asnoŭnyja źmieny čakajuć.

Rachunak-daviedki i najaŭnyja raźliki — usio

Adna z hałoŭnych źmien — skasavańnie rachunak-daviedki. Ad 22 studzienia pradaŭcy patrymanych mašyn (IP i jurasoby) hublajuć mahčymaść pradavać aŭtamabili, vypisvajučy na miescy rachunak-daviedku, jakaja zamianiała damovu kupli-prodažu. 

Razam z tym u IP i jurasob źnikaje mahčymaść pradavać aŭtamabili za najaŭnyja. Raźlik najaŭnymi zastaniecca mahčymym tolki pry ŭmovie, što pradaviec i kupiec — fizičnyja asoby. Adnak, jak tolki adzin z bakoŭ źjaŭlajecca IP abo jurydyčnaj asobaj (jak u vypadku z aŭtakamisami), ździełku daviadziecca pravodzić praz bank. 

Ułady miarkujuć, što takija zachady dapamohuć u baraćbie ź pierakupami. 

U toj ža čas pradstaŭniki aŭtakamisaŭ bačać u hetym dadatkovyja pieraškody dla viadzieńnia biznesu, bo pry adsutnaści mahčymaści prymać jany mohuć zhubić častku klijentaŭ. Na ich dumku, hałoŭnaja niazručnaść bieznajaŭnych raźlikaŭ u tym, što heta zapavolvaje sam praces prodažu i robić niemahčymym realizacyju transpartu inšaharodnim kupcam u viačerni čas i vychadnyja dni, kali banki nie pracujuć. 

Toj fakt, što novaŭviadzieńni ŭ niejkaj miery ŭskładniać praces kamisijnaha handlu, pryznajuć i ŭ DAI, ale zapeŭnivajuć, što mienavita taki praces afarmleńnia zabiaśpiečyć maksimalnuju prazrystaść ździełak.

Takija abmiežavańni pa raźlikach najaŭnymi źjavilisia letaś u susiedniaj Litvie. Tam z 1 listapada 2022-ha ŭviali stol na najaŭnyja raźliki pamieram u 5000 jeŭra. Heta abmiežavańnie datyčyć usich ździełak, u tym liku i prodažu aŭtamabilaŭ. Pry hetym u vyklučnych vypadkach pradaviec maje prava prymać najaŭnyja na bolšuju sumu. Pradaŭcy patrymanych aŭto ŭ Litvie taksama krytyčna staviacca da takich novaŭviadzieńniaŭ, bo, pa ich słovach, kala 60% aŭto ŭ Litvie nabyvajuć inšaziemcy.

Aproč skasavańnia rachunak-daviedki i zabarony na najaŭnyja raźliki pry kamisijnym prodažy, źmienicca i miechanizm adčužeńnia transpartnych srodkaŭ. 

Pa novych praviłach, dahavor ab adčužeńni transpartnaha srodku moža być zaśviedčany lubym nataryusam. Adnak abyścisia bieź vizitu ŭ DAI ŭsio adno nie ŭdasca. Dla taho, kab nataryus moh zaśviedčyć dahavor kupli-prodažu, aŭtamabil užo pavinien być źniaty z uliku ŭ DAI: mieć «tranzitnyja» numary i razrezany techpašpart z adpaviednyj adznakaj unutry.

Pry hetym opcyja afarmleńnia damovy kupli-prodažu ŭ adździaleńni DAI zastaniecca dasiažnaj, jak i raniej. Adznačym, što pasłuhi nataryusaŭ pa rehistracyi DKP — płatnyja, a ŭ DAI — biaspłatnyja.

«Naša Niva» — bastyjon biełaruščyny

PADTRYMAĆ

Čytajcie taksama: 

Jakija mašyny stali samymi pradavanymi ŭ Biełarusi i što jašče źmianiłasia na aŭtarynku za hod

Geely ŭ Biełarusi vypuściŭ novy biudžetny siedan. Kolki kaštuje «narodny» aŭtamabil? 

Kamientary1

  • Josik
    05.01.2023
    Prybrać rachunak-daviedku treba było daŭno. Pradaŭ aŭto, a novy ŭłaśnik bolš za hod štrafy tabie pryvozić, nie rehistruje na siabie, chadzi ŭ DAI, dokazy, što nie ty. A rachunak-daviedka ŭ dźvuch ekzemplarach: adzin pakupniku, druhi pradaŭcu, ale nie tabie, a kamisijnaj ustanovie. Nie zrabiŭ kopiju, zadziaŭbiešsia ŭ DAI listy tłumačalnyja dasyłać. Nie daviadzi, Božuchna, kali DTZ, dy šče kali sa śmierciu , sam skanaješ chutčej, bo aŭto tvoj, ale ž jon nie tvoj. Siabra tak patrapiŭ 8 hadoŭ tamu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać11

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku9

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu5

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić