Cana na hałoŭnuju rasijskuju naftu stała amal napałovu mienšaja za suśvietnuju
Fłahmanskaja nafta Rasii Urals pradajecca mienš čym za pałovu suśvietnaj cany i značna nižej za ŭviedzieny «Vialikaj siamiorkaj» limit. Cana za naftu marki Urals, jakuju ŭ asnoŭnym pradaje Rasija, skłała ŭ piatnicu 37,80 dalara za barel u bałtyjskim porcie Prymorsk. Takija źviestki padała Argus Media, piša Bloomberg.
Ciažka zrazumieć, jak Rasija moža adreahavać na taki nizki ŭzrovień. Z adnaho boku, joj patrebnyja ŭsie dachody, jakija jana moža atrymać dla finansavańnia vajny va Ukrainie. Ale zanadta nizkaje padzieńnie moža zaachvocić Maskvu adkazać skaračeńniem zdabyčy, čaho jana nie vyklučała ŭ minułym.
5 śniežnia Jeŭrapiejski sajuz amal spyniŭ impart syroj nafty z Rasii, a mienavita jaho rynak byŭ histaryčna hałoŭnym dla rasijskaha ekspartu. Adnačasova błok abjadnaŭsia z pramysłova raźvitymi krainami G7 va ŭviadzieńni abmiežavańnia na košt rasijskich pastavak. Luby, chto žadaje atrymać dostup da zachodnich pasłuh — u pryvatnaści, halinovaha standartnaha strachavańnia, a taksama mnostva inšych rečaŭ, — moh zrabić heta tolki ŭ tym vypadku, kali zapłaciŭ za rasijskuju naftu mienš za 60 dalaraŭ.
Straciŭšy jeŭrapiejski rynak, Rasija patrapiła ŭ zaležnaść ad małoha koła bujnych pakupnikoŭ, pierš za ŭsio Kitaja i Indyi. A pakolki tankieram davodzicca prapłyvać tysiačy milaŭ dalej, kab dastavić hruzy z zachodnich rasijskich partoŭ da hetych pakupnikoŭ, to vydatki na fracht uzraśli. Heta prymusiła źnižać ceny, kab možna było kankuryravać z pastaŭkami ź Blizkaha Uschodu.
U toj ža čas rasijskaja nafta ESPO, nazvanaja ŭ honar trubapravoda z Uschodniaj Sibiry, praciahvaje tarhavacca krychu vyšej limitu, pra što śviedčać ličby Argus. Adlehłaści, źviazanyja z dastaŭkaj jaje pakupnikam, našmat karaciejšyja, što, vierahodna, palahčaje pošuk tankieraŭ, hatovych adpravić jaje susiednim pakupnikam za miežami limitu, nakładzienaha G7.
Čytajcie taksama:
Kuviejt u piać razoŭ pavialičvaje ekspart dyzielnaha paliva ŭ Jeŭropu
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary