Kachańnie i seks

Tinder budzie padkazvać, jak paźbiehnuć «ramantyčnaha» machlarstva

Match Group, maciarynskaja kampanija prahram dla znajomstvaŭ Tinder, Hinge, Match, Plenty of Fish, Meetic i OurTime, abviaściła pra zapusk kampanii pa apaviaščeńni (unutry dadatkaŭ i pa elektronnaj pošcie) ab machlarstvie. U jaje ramkach karystalnikam taksama daduć parady, jak praduchilić padman u internecie.

Fota: sacyjalnyja sietki

Tinder i francuzski dadatak Meetic buduć davać karystalnikam padkazki z paradami i typovymi pavodzinami, na jakija varta źviarnuć uvahu. Prapanovy ŭklučajuć pravierku sapraŭdnaści vyjavy profilu patencyjnaha kandydata (ci kandydatki), videačat ź imi napiaredadni asabistaj sustrečy i navučańnie raspaznavańniu «čyrvonych ściažkoŭ», pa jakich možna vyznačyć mierkavanych ašukancaŭ.

Vyjava: Match Group / Tinder

Tym časam Match, Hinge, Plenty of Fish i OurTime buduć rassyłać karystalnikam elektronnyja listy i apaviaščeńni z adnolkavymi paradami, źviazanymi z machlarstvam. Ź siońniašniaha dnia hłabalnaja infarmacyjnaja kampanija pačniecca ŭ bolš čym 15 krainach, u tym liku ŭ ZŠA, Kanadzie, Vialikabrytanii, Indyi, Aŭstralii, Japonii, Hiermanii, Francyi, Ispanii i Italii. Jana praciahniecca ŭvieś studzień, ale kampanija Match Group paviedamiła vydańniu TechCrunch, što budzie praciahvać i dalej pieryjadyčna adpraŭlać paviedamleńni karystalnikam.

«Ašukancy časta hulajuć u doŭhuju hulniu, — kaža Badzi Łumis, staršy dyrektar pa apieracyjach i rasśledavańniach pravaachoŭnych orhanaŭ u Match Group. — Jany sapraŭdy chočuć zavajavać upeŭnienaść i davier achviary, i jany buduć pravodzić u razmovach ź joj šmat času… Tak ašukancy budujuć adnosiny z hetym čałaviekam i prymušajuć jaho adčuvać siabie ŭ biaśpiecy. [Zatym] jany paprosiać hrošy na miedycynski rachunak dziciaci, vizu abo bilet na samalot».

Jašče adzin «čyrvony ściažok» — kali machlar choča pahutaryć praz staronnija płatformy, što zvyčajna aznačaje, što jon choča pahutaryć u dadatku, jaki nie tak maderujecca. Kampanija Match Group niadaŭna zapuściła ŭ svaich prahramach funkcyju, jakaja adpraŭlaje karystalnikam uspłyvajučyja paviedamleńni z paradami pa biaśpiecy, kali ŭ razmovie sustrakajucca peŭnyja słovy.

Vyjava: Match Group / Tinder

Usio bolš i bolš ludziej, jakija damaŭlajucca pra spatkańnie ŭ internecie, stanoviacca achviarami «ramantyčnych» ašukancaŭ. U 2021 hodzie Fiederalnaja handlovaja kamisija ZŠA paviedamiła, što spažyŭcy stracili ašałamlalnyja 547 miljonaŭ dołaraŭ takim čynam. Pry hetym pradstaŭnik Match Group adznačaje, što ličby značna zanižanyja. Match Group zaklikaje karystalnikaŭ paviedamlać pra incydenty na płatformie, jakuju jany vykarystoŭvajuć, a taksama źviartacca ŭ miascovyja pravaachoŭnyja orhany.

Novaja kampanija pa biaśpiecy znajomstvaŭ prajšła amal praz hod paśla taho, jak Netflix vypuściŭ The Tinder Swindler — kryminalny dakumientalny film pra izrailskaha afierysta Sajmana Levajeva, jaki padmanvaŭ žančyn u dadatku dla znajomstvaŭ, kab tyja dasyłali jamu hrošy. Takim čynam, z momantu premjery dakumientalnaha filma ŭ lutym 2022 hoda Tinder praciahvaje zapuskać usio novyja funkcyi biaśpieki.

Kamientary

Ciapier čytajuć

Što z deficytam miedykaŭ? Spytali ŭ daktaroŭ1

Što z deficytam miedykaŭ? Spytali ŭ daktaroŭ

Usie naviny →
Usie naviny

Jašče adzin jeŭrapiejski servis zakryvaje rachunki biełarusam biez DNŽ13

Patracili pa $1000 na čałavieka. Jak siamja biełarusaŭ adpačyła ŭ Kyrhyzstanie1

«Statkieviča ŭ kałonii pasprabavali kinuć pad stanok, kab zabić. Jon adchiliŭsia i tolki złamaŭ ruku» — Šulman pra pačatak 2010-ch2

U Homieli chłopiec pry zatrymańni ŭkusiŭ supracoŭnika DAI1

U Minsku adbyŭsia apošni rejs unikalnaha 26‑mietrovaha tramvaja

ZŠA prypynili razhlad lubych prašeńniaŭ ab nadańni prytułku11

Tramp zajaviŭ pra zakryćcio pavietranaj prastory nad Vieniesuełaj8

U rasijskim Novasibirsku sabaka ŭzarvaŭ kvateru, a sam schavaŭsia na bałkonie7

Za atakami na rasijskija naftavyja tankiery kala ŭźbiarežža Turcyi staić SBU9

bolš čytanych navin
bolš łajkanych navin

Što z deficytam miedykaŭ? Spytali ŭ daktaroŭ1

Što z deficytam miedykaŭ? Spytali ŭ daktaroŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić