Papa Francišak pamaliŭsia za mir va Ukrainie pierad biełaruskim abrazom
Papa Rymski Francišak pravioŭ niekalki chvilin u malitvie za mir va Ukrainie pierad kopijaj ikony Maci Božaj Žyrovickaj, jakaja padčas ahulnaj aŭdyjencyi 11 studzienia była vystaŭlenaja ŭ vatykanskaj Zale Paŭła VI, paviedamiła Biełaruskaja redakcyja partała Vatican News.
«Nie budziem zabyvacca pra zmučanuju Ukrainu, jakaja zaŭsiody ŭ našych sercach; vykažam hetamu narodu, jaki pieražyvaje žorstkija pakuty, našu luboŭ, našu blizkaść i našu malitvu.
A zaraz ja praviadu niekalki chvilin u cišyni, u malitvie za hetuju darahuju krainu i za mir, pierad ikonaj Baharodzicy Naroda, jakaja ŭšanoŭvajecca ŭ Biełarusi. Zaprašaju vas duchoŭna dałučycca da majoj malitvy»,— skazaŭ Papa Francišak.
Paśla hetaha jon padyšoŭ da kopii ikony Maci Božaj Žyrovickaj, jakuju biełaruskija hreka-kataliki ŭšanoŭvajuć jak Vaładarku biełaruskaha naroda. Hety abraz — pieršaja karanavanaja papskimi karonami ikona Baharodzicy na terytoryi sučasnaj Biełarusi — darahi taksama ŭkrainskim viernikam. Jaho kopija ŭ vyhladzie freski źmieščana ŭ rymskim kaściole śviatoha Siarhieja i Vakcha, katedralnym sabory Apostalskaha ekzarchatu dla ŭkrainskich hreka-katalikoŭ u Italii.
Čytajcie taksama:
Papa Rymski Francišak ličyć, što padziei va Ukrainie źjaŭlajucca «suśvietnaj vajnoj»
Papa Francišak: Dapamahać Ukrainie zbrojaj — maralna prymalna
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary