Pravilny dohlad vałasoŭ dapamahaje zachavać šavialuru pryhožaj. Akramia vybaru jakasnaj kaśmietyki, varta nie zabyvacca i pra toje, jak my musim dahladać vałasy paśla myćcia.
Isnuje pierakanańnie, što lepš davać vałasam vysachnuć samastojna, bo suška fienam ich psuje. Ale, naadvarot, vałasy mohuć paškodzicca, kali my pakidajem ich sušycca biez našaj dapamohi, a vilhotnaja skura hałavy bolš uraźlivaja na infiekcyi.
Dobry fien i ŭmiełaje abychodžańnie ź im nie tolki nie pahoršać stan vałasoŭ, a mohuć navat palepšyć jaho. Mokryja łokany lahčej paškodzić, bo tady kutykuła — vonkavy słoj vołasa — nie całkam zakrytaja. Vysušanyja vałasy bolš ustojlivyja da miechaničnych paškodžańniaŭ, a suchaja skura hałavy nie schilnaja da śvierbu, pierchaci i mikozu.
Tamu dziejničajem nastupnym čynam. Kali vy vymyli hałavu, akuratna pramaknicie vałasy bavaŭnianym ručnikom, prytym važna nie cierci jaho ab vałasy i nie tuzać ich.
Paśla taho, jak vy sabrali z vałasoŭ lišniuju vadu, naniasicie na ich termaachoŭny kaśmietyčny srodak, jaki dadatkova abaronić vałasy ad vysokich tempieratur. Heta moža być mist, sprej, alej ci krem — što vam bolš padabajecca.
Potym pierachodzim da suški: kali ŭ vas doŭhija i hustyja vałasy, varta padzialić ich na častki, kab sušyć ich było zručniej i chutčej.
Lepš za ŭsio sušyć vałasy fienam z rehulavanaj tempieraturaj pavietra, ianizacyjaj i mahčymaściu suški chałodnym pavietram.
Vałasy nie lubiać haračaha pavietra, tamu varta sušyć ich papieramienku ciopłym i chałodnym pavietram, aptymalnaja tempieratura — 30 hradusaŭ.
Nie zabyvajcie trymać fien na adlehłaści 20—30 santymietraŭ ad vałasoŭ. A dla najlepšaha efiektu sušycie ich u kirunku ad karanioŭ da končykaŭ.
Ci moža čałaviectva raz i nazaŭždy vyrašyć prablemu abłysieńnia?
Jak časta treba myć hałavu?
«Žančynam sivizna padabajecca». Mužčyny i žančyny raskazvajuć, jak pasivieli ŭ 15, 16 i navat 9 hadoŭ i što z hetym rabili
Ciapier čytajuć
Minhandlu vypadkova źliła dakumient, u jakim pakazała, jak i za što naličvaje premii2
Kamientary
a. u vašaj kazarmie takich niama?
i nie budu sušyć
kali šeŭ upadabaje i takija maje vałasy, to
navat ja nie znaju, kudy padzieć vQQčy maje