«Heta kroki da pieramohi čałaviečaha nad niečałaviečym». Andrej Dźmitryjeŭ pakinuŭ videa na vypadak svajho zatrymańnia
Palityk, eks-kandydat u prezidenty—2020 Andrej Dźmitryjeŭ, jaki byŭ zatrymany, pakinuŭ videa na «ŭsialaki vypadak». Jano było apublikavana ŭ fejsbuku na jaho staroncy.
— Ja chaču skazać, što b ni adbyłosia sa mnoj, ja absalutna ŭpeŭnieny ŭ kožnym z vas, — skazaŭ Andrej Dźmitryjeŭ napiaredadni svajho aryštu. — Vy pavinny viedać, što ŭsio, što my robim, usio, što robicie vy kožny dzień dla taho, kab havaryć praŭdu, abjadnoŭvacca z adnadumcami, zachoŭvać čałaviečyja kaštoŭnaści, — heta nie darma.
Heta važna, patrebna, i heta ŭsio roŭna kroki da pieramohi. Užo nie prosta pieramohi pieramienaŭ u Biełarusi — pieramohi čałaviečaha nad niečałaviečym.
Vielmi važna praciahvać. Vielmi važna, niahledziačy na ŭsie padziei, jakija adbyvajucca ciapier tut u nas ci va Ukrainie, nie zabyvacca, što jość palitviaźni i ich treba padtrymlivać, padtrymlivać ich siemji. Nie zabyvajcie, što praciahvajuć dziejničać miascovyja supolnaści, i treba razam ź imi abjadnoŭvacca, prasoŭvać našy kaštoŭnaści.
Uvohule, ja što chaču skazać: što b sa mnoj ni adbyłosia (kali hetaja pramova budzie majoj apošniaj pierad, nie viedaju kali, nastupnaj), ja chaču skazać, što ja ŭ vas, u nas, u našu spravu varjacki vieru. I vieryŭ usie hetyja hady. Tamu pajšoŭ kandydatam u prezidenty, tamu rabiŭ toje, što ja rablu, tamu budu praciahvać, dzie b ja ni znachodziŭsia.
Andreja Dźmitryjeva zatrymali 11 studzienia. Jaho abvinavačvajuć u «dačynieńni da ekstremisckaj dziejnaści».
U SK Biełarusi zajavili, što «ŭ chodzie praviadzieńnia nieadkładnych śledčych dziejańniaŭ ustanoŭlena, što Dźmitryjeŭ braŭ aktyŭny ŭdzieł u vuličnych biesparadkach, jakija prachodzili na terytoryi stalicy ŭ žniŭni-vieraśni 2020 hoda».
Tam padličyli, što palityk «599 razoŭ pierasiakaŭ dziaržaŭnuju miažu Respubliki Biełaruś, ź ich 33 — paśla 2020 hoda».
«Śledstva miarkuje, što najaŭnaść kantaktaŭ u Dźmitryjeva z pradstaŭnikami Zachadu i ZŠA moža śviedčyć ab kaardynacyi jaho «palityčnaj» dziejnaści z-za miažy. Majecca infarmacyja, što zatrymany kantaktavaŭ ź dziaržaŭnym sakrataryjatam ZŠA i asabista ź jaho byłym kiraŭnikom Chiłary Klintan», — zajavili ŭ SK.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia24
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
jon hutaryŭ ź ludźmi, pakul była mahčymaść.
Udzielničaŭ u maršach