Dočki Pucina i biełarus, jaki vučyŭsia na nielehała ŭ Akademii SVR. U Rasii apublikavanaje rasśledavańnie pra kanśpiratyŭnyja kvatery

Za KDB u Maskvie ličylisia sotni kanśpiratyŭnych kvater, dzie chavali śviedak i pravodzili tajemnyja sustrečy. Ich nazyvali «ziaziulami» i afarmlali na nieisnujučych ludziej albo na dziaržpradpryjemstvy. Paśla skasavańnia KDB bolšuju častku «ziaziul» zabrali sabie FSB i FSA, a astatnija dastalisia SVR (Słužbie zamiežnaj vyviedki Rasii), paviedamlaje The Insider.

Pa infarmacyi vydańnia, u kanśpiratyŭnych kvaterach SVR žyli dočki Pucina — Maryja i Kaciaryna. Taksama ŭ niekalkich «ziaziulach» chavali vysłanych z ZŠA rasijskich špijonaŭ, a ŭ astatnich žyvuć słuchačy akademii SVR, jakich rychtujuć dla pracy za miažoj.

Naprykład, u adnoj ź ich pa maskoŭskim adrasie: Navinski bulvar dom 25, kv. 10 (byłaja vuł. Čajkoŭskaha), kaliści raźmiaščaŭsia naziralny punkt KDB za pasolstvam ZŠA. Tam dzień i noč dziažuryli apieratyŭniki sa śpiecyjalnaj fotaaparaturaj, i jak tolki niechta z amierykanskich dypłamataŭ siadaŭ za rul, śledam jechała hrupa KDB. Paśla razvału SSSR z 1993 hoda žyłpłošča pierajšła da źniešniaj raźviedki, a haspadarom aformili niejkaha Ściapanava V. A., jaki nie mieŭ ni daty naradžeńnia, ni pašparta, ni svajakoŭ. Tam stali prachodzić tajemnyja sustrečy aficeraŭ SVR z zavierbavanymi dypłamatami z krain Afryki, Łacinskaj Amieryki i Blizkaha Uschodu. 

«U 2010 hodzie na ŭjeździe ŭ dvor pastavili šłahbaum, u kvatery zrabili šykoŭny ramont. Nieŭzabavie źjavilisia žychary — starejšaja dačka Pucina Maryja Varancova i jaje hałandski muž Joryt Faasen. Muž i žonka pamiž saboj razmaŭlali pa-anhlijsku, ich kruhłasutačna achoŭvali supracoŭniki Słužby biaśpieki prezidenta», — raskazvaje The Insider.

Pavialičyć

A ŭ inšaj «ziaziuli» na Maśfilmaŭskaj vulicy, 17/25 žyła małodšaja dačka Pucina Kaciaryna Cichanava. Pry SSSR kanśpiratyŭnaja kvatera vykarystoŭvałasia dla sustreč z zavierbavanymi vykładčykami RUDN, MDIMA i MDU, a ŭžo paśla pieradačy ŭ SVR hetuju žyłpłošču aformili na Łaryjonava I. M., jaki taksama nie maje danych, dakumientaŭ i bijahrafii.

«Cichanava žyła na Maśfilmaŭskaj zusim niadoŭha, nieŭzabavie jana pierajechała ŭ asabniak niedaloka ad rezidencyi Pucina. Miarkujučy pa ŭsim, padstavaj dla pierajezdu pasłužyli susiedzi-narkamany i sieryja kvaternych kradziažoŭ, jakija adbylisia ŭ domie», — piša vydańnie.

Pra jašče adnu «ziaziulu» na Bieražkoŭskaj nabiarežnaj, 8 chadzili čutki, što FSB chavała tam pierabiežčyka z ANB Edvarda Snoŭdena, jakomu ŭ ZŠA pahražaje 30-hadovy turemny termin. Jak vyśvietliła vydańnie The Insider, kanśpiratyŭnaja kvatera znachodzicca na dziaviatym paviersie i vykarystoŭvajecca KDB z 1960-ch.

Što jašče stała viadoma?

Vydańniu ŭ tym liku stała viadoma, što ŭ «ziaziulach» paśla razvału SSSR u rozny čas žyli viadomyja rasijskija špijony, takija, jak Hanna Čapman (Kuščanka), pałkoŭnik SVR Michaił Vasiankoŭ, Andrej Biazrukaŭ i jaho žonka Alena Vaviłava (paśla ich vydačy nazad u Rasiju z ZŠA, jany pavodle ŭkaza Pucina byli ŭładkavanyja na pracu ŭ enierhietyčnyja kampanii «Rasnafta» i «Narylski nikiel») i inšyja.

«Stali viadomyja adrasy bolš za 16 kvater u roznych rajonach Maskvy, jakija pa ŭsich svaich prykmietach padobnyja da «ziaziul». Pryčym adnu ź ich na vuł. Akademika Bačvara abrabavali, ź jaje złačyncy vynieśli noŭtbuk, ćviordy dysk, nabor adkrutak i 5 tysiač rubloŭ. Paciarpiełym akazaŭsia supracoŭnik KDB Biełarusi Uładzimir Bahasłaŭski, jaki raniej vučyŭsia na «nielehała» ŭ Akademii SVR», — piša The Insider.

Čytať jašče:

ZŠA ŭvodziać sankcyi suprać jašče 25 pradstaŭnikoŭ režymu

U Rasii Janukoviču, Miedviedčuku i Azaravu prapanavali stvaryć urad Ukrainy ŭ vyhnańni

Ursuła fon der Lajen paabiacała Rasii «dziesiacihodździ recesii» z-za sankcyj

• 14
• 0
• 32
• 9
• 2
• 1
• 11
• 0