Nazvana jašče adno homielskaje pradpryjemstva, jakoje moža vyrablać dla Rasii «zuby drakona»
Aproč zavoda «Homielžalezabieton», vydańnie «Fłahštok» nazyvaje jašče adno pradpryjemstva, jakoje moža być datyčnym da hetaha.
Sa śniežnia 2022 hoda hamielčuki zaŭvažajuć pieravozku procitankavych piramid, jakija jašče nazyvajuć «zubami drakona». Takija pieraškody prymianiajucca armijaj RF dla pabudovy linij abarony.
Pavodle infarmacyi kanała «MatolkaDapamažy», «zuby drakona» bolš za miesiac vyrablajucca na Homielskim zavodzie žalezabietonnych vyrabaŭ.
«Bolš za toje, pavodle papiaredniaj infarmacyi, «Homielžalezabieton» — heta nie adzinaje biełaruskaje pradpryjemstva, jakoje vyrablaje takija supraćtankavyja ŭmacavańni», — udakładniaje telehram-kanał.
«Fłahštok» pastaraŭsia vyśvietlić, chto i dzie ich jašče vyrablaje.
Na sajtach biaspłatnych abjaŭ na biełaruskich servisach supraćtankavyja piramidy pakul nie pradajuć. Patrebnuju abjavu «Fłahštoku» ŭdałosia znajści na rasijskim servisie «Avita».
Pryvatnaja asoba prapanuje bietonnyja tetraedry, vyrablenyja ŭ Homieli. Pry hetym adras i nazvu vytvorčaści nie nazyvaje. Nieviadomy pradaviec paviedamlaje, što na pradpryjemstvie vyrablajecca da 100 piramid u sutki. Abjava ŭpieršyniu źjaviłasia 3 tydni tamu — u śniežni 2022 hoda.
Pa fatahrafijach abjavy možna vyznačyć, što vytvorčaść «zuboŭ drakona» znachodzicca ŭ pramzonie pa vuł. Barykina na płoščach Homielskaha zavoda handlovaha abstalavańnia. Hety chranična prablemny zavod nie zajmajecca vytvorčaściu bietonnych vyrabaŭ, adnak zdaje ŭ arendu i pradaje svaju šmatlikuju nieruchomaść.
Z adkrytych krynic viadoma tolki pra adnu arhanizacyju, jakaja zajmałasia bietonnymi vyrabami i była zarehistravanaja pa adrasie hetaha zavoda. Heta pryvatnaja firma PVUP «BietonStrojSnab». Ale ź listapada 2022 hoda jana znachodzicca ŭ stadyi likvidacyi.
ŚMI: Homielskaje pradpryjemstva moža rabić dla Rasii «zuby drakona»
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary
Za sovieršienno biespoleznuju fihovinu.
Ja sčitaju eto uśpiech.
A pole tam prosto bieskrajnieje.